影片
更多
2019-03-31
20 浏览
一入店,楼上同事会通过对讲机话比其他同事知,我地几多位。之后搭一条小电梯往下层,到达下层就有店员招待。坐低之后,睇MENU系透过iPad,环保之余份外清晰,放部IPAD系台面用手指左右扫,好过拎住MENU一页页"颉"。(MENU我就无影到~不过上网揾应该都好多资源)假若你注重食物质素之余亦都在乎服务质素,我会推荐日喜楼。店员全部面带笑容有礼貌。通常好多中菜地方叫左茶之后,茶放上台,店员就会离开,令我好惊讶系,店员会为我地斟埋茶,系整餐晚饭亦会主动留意我地台上茶壶重有冇茶,自动去补,同时亦会为我地再斟茶。除此之外,每一个店员,不分年纪,对公司既食材好熟识,会为客人介绍,上菜既时候更加会讲解/温馨提示,例如我叫左罗春阁爆汁生煎包,店员会教我地先系中间开洞,散一散热,小心炀咀等等...令我感到呢到既服务质素好高。日喜灌汤小笼包- 超级建议趁热就食, 小笼包皮薄馅靓,包内汤汁够多而且够香浓,传统配埋醋同姜丝,够晒好食~北京填鸭一食（半只）店员又会介绍,佢地会用住个锅去蒸住D薄饼,温度保持系60度,因为每一块都用纸分开,而且减低薄饼干硬,店员话最好拎完一片,可以盖返个笼。片皮鸭唔算系咩特别,但配
之后搭一条小电梯往下层,到达下层就有店员招待。
坐低之后,睇MENU系透过iPad,环保之余份外清晰,放部IPAD系台面用手指左右扫,好过拎住MENU一页页"颉"。(MENU我就无影到~不过上网揾应该都好多资源)
假若你注重食物质素之余亦都在乎服务质素,我会推荐日喜楼。店员全部面带笑容有礼貌。通常好多中菜地方叫左茶之后,茶放上台,店员就会离开,令我好惊讶系,店员会为我地斟埋茶,系整餐晚饭亦会主动留意我地台上茶壶重有冇茶,自动去补,同时亦会为我地再斟茶。
除此之外,每一个店员,不分年纪,对公司既食材好熟识,会为客人介绍,上菜既时候更加会讲解/温馨提示,例如我叫左罗春阁爆汁生煎包,店员会教我地先系中间开洞,散一散热,小心炀咀等等...令我感到呢到既服务质素好高。
日喜灌汤小笼包- 超级建议趁热就食, 小笼包皮薄馅靓,包内汤汁够多而且够香浓,传统配埋醋同姜丝,够晒好食~
北京填鸭一食（半只）店员又会介绍,佢地会用住个锅去蒸住D薄饼,温度保持系60度,因为每一块都用纸分开,而且减低薄饼干硬,店员话最好拎完一片,可以盖返个笼。片皮鸭唔算系咩特别,但配埋店家既用心,食得份外开心。
铁板葱爆牛肉又系另一卖点, 牛肉同个铁皮板系分开上,店员提醒我地挡油之后,系我地面前放D牛肉上铁板上,随住吱吱声,牛肉同香葱香气周围飞,简直香气逼人!入口味道香口,连葱都清得一干二净~
奶油娃娃菜够晒CREAMY,奶油味道极重,上面有D金华火腿粒粒,令到味道更为出众
原本食饱就打算埋单走,店员亦会主动询问要唔要试下呢到既甜品,个心郁郁又想试下,之后系店员介绍下,决定选择『吾是南瓜』。个名好得意,店员解释,因为佢真系唔系南瓜黎嫁,卖相同南瓜好相似,但内裹系满满既紫薯蓉,老公唔系太食甜食都觉得好食。店员亦有温馨提示因为要蒸,要等5-10分钟,清晰既解说令我地都好有信心~对食物亦都好有期待。反正同老公都唔赶时间,坐下倾一计,又快甜品就上台啦~
今晚见到有2围台食百小碟,望到我又再次心郁郁,有机会真系要试一试呢个西班牙菜京川精品菜集结一身既百小碟。
回头率10/10食物味道10/10服务10/10
日喜楼
地址:铜锣湾登龙街18号V Point B1楼
电话号码:25111534
营业时间:星期一至日11:30 - 23:00
张贴
