友利坊 x 友利冰室 x 勿當奴 (已結業)

返完教会，睇戏前揾间位置方便的地方食个Lunch，今次我地就去左始创中心地库的友利坊x友利冰室x勿当奴。真系老实讲，对于茶餐厅同冰室这类型的食店，一般都不会抱太大期望，更加唔会谂服务质素同食物品质，纯粹系一条心谂住食饱个肚就算。但今次友利坊 X 友利冰室 X 勿当奴，竟然比到d惊喜我。 店舖充满可爱的壁画，颜色缤纷，仲有一些令人心领神会的语句，勿当奴的意思应该系话切勿当奴隶吧。店内地方宽敞，坐得舒服。沙嗲和牛牛肉配韩国辛辣面 - 不论系出前一丁or辛辣面都唔需要加钱，和牛完全系真材实料，配埋极大份量的炒蛋同牛油多士，又好食又够哂饱，仲连埋冷热同价的冻奶茶，绝对抵食夹大件。招牌即烧爆谷烧鹅 – 送上枱发现无爆谷，个脑出现了问号，又话爆谷烧鹅既？正当犹豫好唔好问店员之际，有个人已经偷食左一啖，然后同我讲，d爆谷已经溶入左系烧鹅汁到喇，果然d烧鹅充满浓浓的爆谷味道，烧鹅皮脆卜卜，好好味。我估我下次都会叫番呢个饭食。芝士大啡菇手打牛肉汉堡 –手打牛肉厚道适中，有丰富肉汁，配上芝士同极水润的大啡菇，系港式汉堡包，但绝对唔输蚀，十分推介，加上仲要包埋薯条同汽水，性价比高。