影片
更多
2021-12-13
148 浏览
相信喜欢饮咖啡嘅朋友都对Cupping Room唔会陌生，佢系本港人气咖啡店，有多达7间唔同分店，主要遍布喺港岛区，亦有一间喺尖沙咀海港城。呢间Doubleshot系其中一间新嘅概念店，走嘅路线稍为偏向高档少少，夜晚更加有埋酒吧，食物多元化而且都几有特色。早排刚装修完时人气极旺，周末如果想嚟呢度基本上可以叫做困难重重，所以当时只系Bookmark咗，谂住适逢闲日或过咗一排有机会就试吓，今次终于有机会。到达楼下就会见到「Doubleshot」嘅灯牌镶喺灰白色墙上，然后上一条长楼梯就会到餐厅，沿途上楼梯觉得条楼梯都几有味道，应该都系影相位之一。餐厅环境宽敞，整体装修走复古路线，以墨绿色同杏白色作为主调，有落地大玻璃，日光会微微透入，可惜因为我大约下午2点左右到，午饭人流未散，所有靠窗位置同埋梳化位均系满座，只能够坐另一边近厨房区嘅藤椅位置。🔸𝐊𝐚𝐭𝐬𝐮-𝐒𝐚𝐧𝐝𝐨($𝟏𝟓𝟖)：呢份炸猪扒三文治，据闻系人气必点嘅菜式，价钱$158，价钱偏高，所以对佢嘅期望亦高。面包烘得刚刚好，够香脆，而炸猪扒肉质虽然唔算嚡口但都炸得偏干身，食落喉咙感觉会较干涸，但中间嘅一小片芥末蛋黄酱同埋小小葱花令佢加咗唔
到达楼下就会见到「Doubleshot」嘅灯牌镶喺灰白色墙上，然后上一条长楼梯就会到餐厅，沿途上楼梯觉得条楼梯都几有味道，应该都系影相位之一。餐厅环境宽敞，整体装修走复古路线，以墨绿色同杏白色作为主调，有落地大玻璃，日光会微微透入，可惜因为我大约下午2点左右到，午饭人流未散，所有靠窗位置同埋梳化位均系满座，只能够坐另一边近厨房区嘅藤椅位置。
🔸𝐊𝐚𝐭𝐬𝐮-𝐒𝐚𝐧𝐝𝐨($𝟏𝟓𝟖)：
呢份炸猪扒三文治，据闻系人气必点嘅菜式，价钱$158，价钱偏高，所以对佢嘅期望亦高。面包烘得刚刚好，够香脆，而炸猪扒肉质虽然唔算嚡口但都炸得偏干身，食落喉咙感觉会较干涸，但中间嘅一小片芥末蛋黄酱同埋小小葱花令佢加咗唔小分，因为均匀涂抹后发现味道好夹之余亦稍有缓解返猪扒太干身嘅情况，如果无呢一小片嘅酱料，就系相对卖得比较贵嘅普通炸猪扒三文治。
Katsu-Sando
$158
4 浏览
1 赞好
0 留言
🔸𝐑𝐨𝐚𝐬𝐭𝐞𝐝 𝐂𝐚𝐮𝐥𝐢𝐟𝐥𝐨𝐰𝐞𝐫：
Weekday嘅LunchSet里面会包埋一个前菜，当中有四款可以选择，其中就拣咗呢款烤椰菜花。椰菜花好爽口新鲜，轻轻用香料粉烤过而且烤得好香，几乎食到停唔到口。
Roasted Cauliflower
5 浏览
1 赞好
0 留言
🔸𝐏𝐚𝐭𝐭𝐲 𝐌𝐞𝐥𝐭($𝟏𝟓𝟖)：
如果同Katsu-Sando两者选择，我会毫不犹豫地拣呢款Patty Melt为必点菜式，因为同一个价钱，但Patty Melt 惊艳太多。中间嘅牛肉汉堡扒肉质嫩滑之余又好Juicy，加埋满泻嘅车打芝士同埋炒过嘅洋葱粒，每一啖都系满足感。最惊喜系佢嘅面包用咗Brioche奶油面包，本身包身已经好松软又好重牛油味，加上烤得好香脆，完全系锦上添花。另外连旁边嘅薯条都炸得好脆口，稍稍用盐同小小葱调过味，唔驶点酱汁都够味，系偏幼身咗少少，如果粗身啲就更滋味。
Patty Melt
$158
8 浏览
2 赞好
0 留言
🔸𝐁𝐫𝐞𝐚𝐤𝐟𝐚𝐬𝐭 𝐂𝐚𝐫𝐛𝐨𝐧𝐚𝐫𝐚($𝟏𝟔𝟖)：
喺呢度食到出色又正宗嘅Carbonara，实在非常惊喜。面条蛋香味浓郁，整体嘅口感相当稠糊，个人最爱咁稠糊但又非忌廉做嘅Carbonara。
Breakfast Carbonara
$168
8 浏览
1 赞好
0 留言
而最惊喜系佢加咗一只蛋系意粉上面，蛋液流出加埋厚切烟肉嘅油脂，蛋汁均匀挂哂喺面条上，但又唔会太漏，简直想暴风吸入式地独霸全碟意粉。
Breakfast Carbonara
$168
16 浏览
1 赞好
0 留言
🔸𝐋𝐨𝐧𝐠 𝐁𝐥𝐚𝐜𝐤($𝟒𝟓)：
个人一直几喜欢Cupping Room嘅咖啡，呢度嘅Long Black味道入口最初偏酸但最后有股回甘，虽然味道唔错，但就觉得同其他分店嘅Long Black有所分别，一查原来因为中环呢间分店转咗用时令单一个产区出嘅咖啡豆，所以味道可能同其他分店有所唔同。
中西区愈来愈多有特色嘅咖啡店，但呢度嘅食物同环境都会令人有所记忆，餐牌上选择虽然唔算好多，但亦几有特色。而且餐厅环境舒适，如果能够坐喺梳化位置，相信可以渡过一个非常写意嘅下午。另外据闻晚餐都相当唔错，下次再嚟一试。
张贴
