影片
更多
2022-08-13
428 浏览
第一次写食评内容有啲多，先讲结论方便懒得睇字嘅人店员们服务态度真系要大赞，个个都好Nice食得好开心，另外嘢食水准好好，当晚即时book枱月尾再嚟食。今日咁啱要出观塘～就上OPENRICE睇吓有咩好嘢食啦，见呢间好似新开评价唔错就去试吓啦!BOOK咗8:30有85折，去到见到有Level 1同2，食物款式都差几远吓，落单任食啲肉选择真系差好多，无记错Lv1得果两三款，当然出面自己拎嘅菜，丸果啲都有好多款啦不过三旧水LV2 都有安格斯牛小排食都几好，平时自己街市买都要160-170磅。呢个时候店员姐姐突然拎咗张LV3 嘅餐牌比我地睇㖞，竟然仲有LV3 但睇食评未见过，睇一睇同LV2食嘅嘢差别系 任食 松叶蟹 同 长脚蟹 蟹脚，价钱系五百头（几多唔记得咗，无影低），贵百几蚊可以食埋蟹脚又唔错㖞，于是就试吓啦。先讲吓个汤底先，我地试嘅系酸菜鱼汤底，够酸够浓味，好正，配生菜娃娃菜真系一流，鱼片系分开碟上，等我地要食先自己放入去，唔洗怕煮得耐得滞，而且值得一赞系佢个锅都几大同埋啲汤好多，平时打边炉好惊好快无汤要加，咁个汤底通常就会越嚟越淡食，但呢度食完两个钟一路大火食，我地系未加过汤。几款牛质素
今日咁啱要出观塘～就上OPENRICE睇吓有咩好嘢食啦，见呢间好似新开评价唔错就去试吓啦!
BOOK咗8:30有85折，去到见到有Level 1同2，食物款式都差几远吓，落单任食啲肉选
择真系差好多，无记错Lv1得果两三款，当然出面自己拎嘅菜，丸果啲都有好多款啦
不过三旧水LV2 都有安格斯牛小排食都几好，平时自己街市买都要160-170磅。呢个时候店员姐姐突然拎咗张LV3 嘅餐牌比我地睇㖞，竟然仲有LV3 但睇食评未见过，睇一睇同LV2食嘅嘢差别系 任食 松叶蟹 同 长脚蟹 蟹脚，价钱系五百头（几多唔记得咗，无影低），贵百几蚊可以食埋蟹脚又唔错㖞，于是就试吓啦。
先讲吓个汤底先，我地试嘅系酸菜鱼汤底，够酸够浓味，好正，配生菜娃娃菜真系一流，鱼片系分开碟上，等我地要食先自己放入去，唔洗怕煮得耐得滞，而且值得一赞系佢个锅都几大同埋啲汤好多，平时打边炉好惊好快无汤要加，咁个汤底通常就会越嚟越淡食，但呢度食完两个钟一路大火食，我地系未加过汤。
几款牛质素都好唔错，牛小排最好食，唯独有个叫牛胸油，个人不太喜欢
一开波比个海鲜拼盘先，鲍鱼 帆立贝 呢啲都几唔错，出面拎嘅嘢食全部未试过，评论唔到，因为本身已经好多嘢食食唔哂。但熟嘅小食都有拎啲试，啲凉拌嘢同口水猪肚果啲十分惊喜，非常好味，仲有一片片好似叉烧咁嘅肉片都好正呀。
到重头戏蟹脚喇，我地落单时见佢地喺出面个雪柜拎出嚟，系超级大只原只松叶蟹同长脚蟹呀!好震惊!!原本仲以为系平时出面买一pack好多只蟹脚咁，佢问我地要几多只时虽然内心好想话嚟30只，但怕尴尬，我地就每款6只先啦，试吓先丫嘛。长脚蟹一般般，有啲干，味道普通。松叶蟹脚好鲜甜好好味㖞!之后就再落单追加多十只松叶蟹脚，可惜佢地无哂松叶蟹脚，就拎咗只花咲蟹出嚟问我地要唔要试吓呢个。 食落咦又OK㖞 （餐牌无呢只蟹架，应该系无哂松叶蟹而我又麻麻长脚蟹佢地先拎呢款嚟补偿，应该无下次啦)只花咲蟹好食，仲原只比我地添!
另外奶冻都好推荐呀，好好味，店员话佢地自家制。炸午餐肉同炸土匪鸡翼亦都好优秀
雪糕有Movenpick，最初见唔到以为得另一牌子有啲失望，点知原来系隔离个雪柜自己睇唔到😛后尾因为好似得我地一枱8:30入座，到最后成间餐厅得番我地，同店员吹咗阵水，原来呢个任食蟹脚系新出嘅，而我地喺第一个食LV3嘅客，之所以会唔够蟹脚都系呢个原因。因为佢地想试吓啲客反应，如果买得多蟹到时无乜人食时，啲蟹又唔摆得耐，卖唔哂啲蟹就要扔哂佢。
book完月尾再嚟食，店家仲话会订多啲番嚟比我地食
另外佢地仲唔洗收切饼费添。
呢餐埋单2个人85折后 $985
食咗三种蟹各一只，物超所值呀
酸菜鱼汤底
11 浏览
0 赞好
0 留言
酸菜鱼片
21 浏览
0 赞好
0 留言
海鲜拼盘
16 浏览
0 赞好
0 留言
凉拌
16 浏览
0 赞好
0 留言
炸午餐肉
19 浏览
0 赞好
0 留言
各式肉类
19 浏览
0 赞好
0 留言
花咲蟹
45 浏览
0 赞好
0 留言
张贴
