Layback Cafe & Bar (已結業)

今次系第一次黎到依间叫Layback Cafe & Bar既楼上Cafe，其实就系因为想同朋友边食边倾又睇中依间Cafe优雅，而且充满花朵既室内环境，可惜因为室内满座既关系，今次只能坐到室外，幸好入座时系夜晚，天气未至于局促。今次同朋友们点左三样主食第一样系香蒜白酒露荀日本和牛粒烩扁意粉，白酒味唔算太重，但混合香蒜味道，却刚刚好，而且和牛肉汁丰富亦不会过熟，扁意粉亦都烟靭弹牙。第二样系黑松露什菌忌廉芝士意大利饭，依个意大利饭口感丰富，新鲜既黑松露味搭上忌廉芝士既浓郁，令到依个卖相吸引既意大利饭味道也是一流。第三样系牛油果软壳蟹汉堡配薯条，牛油果配搭软壳蟹实属正常菜色，牛油果既Creamy和清新令本来较重蟹味和热气既软壳蟹更易入口，反而惊喜系汉堡包皮相当松软，唔会令人有放弃唔食面包皮既念头。