影片
更多
2022-07-21
85 浏览
一到月尾粮尾就要周围揾性价比高嘅餐厅食，放工去旺角就发现咗呢间红桥。先讲总结，两个人埋单$230，好味不得止，份量仲多到要打包，大力推荐俾粮尾打工仔🫶🏻餐厅环境干净，侍应服务态度好nice，递水收碟好快手。我哋叫咗两个晚市套餐，包前菜沙律、餐汤、主菜、饮品，全部唔过$100。沙律竟然有三文鱼，有成2至3块，估佢唔到。我哋叫咗一个中汤一个西汤，中汤系节瓜汤，劲大嚿节瓜同肉，几清甜。西汤就系忌廉蘑菇汤，里面有粟米同肉，正常味。西班牙汁芝士鸡扒焗饭($78)一上枱俾佢个份量吓亲，大过部iPhone 11，连男人都食唔晒。个汁好特别，唔系平时大x乐𠮶种，芝士畀得超足料，啖啖都有，鸡扒都几林，呢个价钱绝对收货。罗勒酱软壳蟹意大利粉($98)摆盘劲靓，同出面高级餐厅有得挥，记得食𠮶阵一定要捞匀，有超多汁喺底，好creamy。总共有3嚿软壳蟹，炸得好脆。由于太大份，变埋我听日Lunch，翻叮一样咁好食。芝麻虾多士 2件($18)呢个一定系招牌菜！炸得好脆，虾肉又多，配埋炼奶我可以一个人食几嚿，好邪恶。蜜椒单骨鸡翼 6只($22)鸡翼有成6只，整体味道不错，唯独觉得蜜糖太多，有小小heavy。红豆冰
餐厅环境干净，侍应服务态度好nice，递水收碟好快手。我哋叫咗两个晚市套餐，包前菜沙律、餐汤、主菜、饮品，全部唔过$100。
沙律竟然有三文鱼，有成2至3块，估佢唔到。我哋叫咗一个中汤一个西汤，中汤系节瓜汤，劲大嚿节瓜同肉，几清甜。西汤就系忌廉蘑菇汤，里面有粟米同肉，正常味。
西班牙汁芝士鸡扒焗饭($78)
一上枱俾佢个份量吓亲，大过部iPhone 11，连男人都食唔晒。个汁好特别，唔系平时大x乐𠮶种，芝士畀得超足料，啖啖都有，鸡扒都几林，呢个价钱绝对收货。
罗勒酱软壳蟹意大利粉($98)
摆盘劲靓，同出面高级餐厅有得挥，记得食𠮶阵一定要捞匀，有超多汁喺底，好creamy。总共有3嚿软壳蟹，炸得好脆。由于太大份，变埋我听日Lunch，翻叮一样咁好食。
芝麻虾多士 2件($18)
呢个一定系招牌菜！炸得好脆，虾肉又多，配埋炼奶我可以一个人食几嚿，好邪恶。
蜜椒单骨鸡翼 6只($22)
鸡翼有成6只，整体味道不错，唯独觉得蜜糖太多，有小小heavy。
红豆冰 ($10)
跟餐转红豆冰只系$10，唔系唔转啊嘛？佢唔会死甜，饮到底有好多红豆净，好丰富！
张贴
