影片
更多
2006-02-02
11 浏览
早个星期日晚, 我同个朋友去今村食晚饭, 同佢庆祝生日. 虽然当日的上菜时间, 真系比较长, 但系当晚既食物真系唔错, 到最后埋单果时, 仲发觉系赚左!!当晚我地八点去到,由于一早己book了位, 所以一入去便可以坐. 当晚所见, 有一大台日本客人, 其他都是香港人.坐低后, 一望个menu, 发觉唔系太多野食, 又望一望其他人食既锅呀, 小食, 全部都冇, 于是就问果度既waitress, 点知佢地好似唔可以同人讲野咁, 一问就口震震乱咁答. 后来有个只系识日文同英文既女性部长走过来, 我地就问佢系唔系有另一个menu可以叫.. 佢比左一个全日文的寿司, 鱼生同小食menu, 仲有一个火锅menu, 但系一人前已经要三百几.. 仲要系一叫就两位上...... 于是我地就叫左白鳕精子, 中拖罗鱼生(五片), 两只牡丹虾, 同埋一个普通鱼生饭.我地当晚其实系一心想试白鳕精子, 因为之前我同呢个朋友一齐同东京都食过一次, 真系回味无穷. 结果呢个白鳕精子好快就送到, 绝对系好正啦, 不过再冻一些就好正啦, 但只系得三粒, 所以最后一粒, 我地要每人分开一半, 咁岩果个男性部长(香
当晚我地八点去到,由于一早己book了位, 所以一入去便可以坐. 当晚所见, 有一大台日本客人, 其他都是香港人.
坐低后, 一望个menu, 发觉唔系太多野食, 又望一望其他人食既锅呀, 小食, 全部都冇, 于是就问果度既waitress, 点知佢地好似唔可以同人讲野咁, 一问就口震震乱咁答. 后来有个只系识日文同英文既女性部长走过来, 我地就问佢系唔系有另一个menu可以叫.. 佢比左一个全日文的寿司, 鱼生同小食menu, 仲有一个火锅menu, 但系一人前已经要三百几.. 仲要系一叫就两位上...... 于是我地就叫左白鳕精子, 中拖罗鱼生(五片), 两只牡丹虾, 同埋一个普通鱼生饭.
我地当晚其实系一心想试白鳕精子, 因为之前我同呢个朋友一齐同东京都食过一次, 真系回味无穷. 结果呢个白鳕精子好快就送到, 绝对系好正啦, 不过再冻一些就好正啦, 但只系得三粒, 所以最后一粒, 我地要每人分开一半, 咁岩果个男性部长(香港人)见到, 话帮我地剪开佢. 后来佢话师传见我地咁钟意食, 又唔想剪烂粒白鳕精子, 流晒中间既汁出来, 所以送多左一粒比我地食.
其中有个识讲广东话既waitress问我地个牡丹虾头系唔系想炸左佢, 咁我地当然ok啦....
后来我地就坐左半个钟有多, 都冇野食. 但系隔邻果台日本客既卷物, 小食就不断送上... 正想问之际, 男部长就送上中拖罗寿司.... 唔系我地想要既鱼生... 于是我地同落单果个日文女部长讲, 佢就再落过单. 后来佢先送上牡丹虾头, 之后佢有牡丹虾鱼生, 咁我地就知佢地应该系落错左单, 所以炸多左个虾头比我地.不过牡丹虾又真系好甜, 鱼又弹牙同新鲜. 当然可以享用两个虾头, 一个系生, 一个系炸, 可以话系一乐也, 不过个心都好惊佢会收多d钱.
后来个男部长手震震拿左一碟拖罗过来, 话今日既中拖罗买晒, 所以比左大拖罗我地, 问我地介唔介意, 其实价钱系350同500之比, 不过佢都切左啰, 咪要啰.
个大拖罗食落就好油润, 一口就可以滑入喉咙, 不过就多d筋啰... 如果少d筋, 就真系perfect啦!!
当然既惊喜原来系鱼生饭, 有好多鱼子, 仲有油甘鱼, 剑红鱼, 带子.... 好好食, 好大份.... 早知叫两个鱼生饭, 唔食toro啦!
我地埋单时已经系9:30啦, 男部长把账单送来时说, 师传话今晚要我地等咁耐, 又落错单, 感到不好意思, 所以个大toro只系叫我地中toro既价钱, 果一刻真系好开心, 觉得赚左! 再望下张单, 发觉佢竟然冇计到$100既白鳕精子, 当时我同朋友都冇出声, 只系签左卡就算啦, 我谂其实佢系专登冇计的..... 仲叫我地下次来食lunch.....结果连加一,tips$820埋单啰.
总结就系, 我地食左今村既好野, 但平了250蚊啰!! 下次都要去试下个lunch先, 不过部长叫我地一定要订位啰.
张贴