影片
更多
2014-04-03
7236 浏览
早前经团购买入二人套餐，订咗今晚光顾，结果喜出望外！套餐包三款头盘、主菜、甜品，餐酒及咖啡(见附图）。原本担心$238嘅套餐，分量与质素都会将货就价。但结果全部食品都好高质素，做得好有心机。首先系个凯萨沙律用料新鲜，蔬菜鲜甜，与烟肉粒及银鱼粒混和得恰到好处，味道极佳！跟著系茄粒芝士蒜茸包，包底脆，茄粒芝士丰富，好香口！意大利菜汤热辣辣上枱，浓淡适中，美味！最欣赏系主菜嘅炭烧牛柳，肉质鲜嫩有肉味，有真正嘅炭烧香气，唔系以煎代烧𠮶只，非常美味！而且一客有两件，虽然唔算好大，但分量都好足，绝冇欺场，抵赞！甜品嘅蛋糕一小件，好好味！咖啡都好香，感觉好完满。一小杯餐红酒，不过不失，很易入口。食紧嘅时候老板/经理过嚟打个招呼，问啲嘢点。我力赞，因为真系觉得做得好有heart，值得推荐！团购对佢哋嚟讲算系推广，menu price绝对高好多。不过质素好，都值得支持嘅！如果再有团购就更好啦！
早前经团购买入二人套餐，订咗今晚光顾，结果喜出望外！
套餐包三款头盘、主菜、甜品，餐酒及咖啡(见附图）。原本担心$238嘅套餐，分量与质素都会将货就价。但结果全部食品都好高质素，做得好有心机。
首先系个凯萨沙律用料新鲜，蔬菜鲜甜，与烟肉粒及银鱼粒混和得恰到好处，味道极佳！
跟著系茄粒芝士蒜茸包，包底脆，茄粒芝士丰富，好香口！
意大利菜汤热辣辣上枱，浓淡适中，美味！
最欣赏系主菜嘅炭烧牛柳，肉质鲜嫩有肉味，有真正嘅炭烧香气，唔系以煎代烧𠮶只，非常美味！而且一客有两件，虽然唔算好大，但分量都好足，绝冇欺场，抵赞！
甜品嘅蛋糕一小件，好好味！咖啡都好香，感觉好完满。
一小杯餐红酒，不过不失，很易入口。
食紧嘅时候老板/经理过嚟打个招呼，问啲嘢点。我力赞，因为真系觉得做得好有heart，值得推荐！
团购对佢哋嚟讲算系推广，menu price绝对高好多。不过质素好，都值得支持嘅！
如果再有团购就更好啦！
张贴
