無名拉麵 (已結業)

之前每次经过兰桂芳都会见到依间拉面店，每次都想试下，终于响前晚星期六有机会一试，果晚约9点入座，唔使等位。我同朋友专程来试比较特色的拉面，即豚肉蟹汤拉面($85)，和豚肉虾汤拉面($80)我果碗蟹汤拉面，个汤底的蟹味好出而唔系好浓味，真系无得输。之后，我再试埋朋友的虾汤拉面汤底，深啡黑色的汤，加上好多细细粒虾仔，虾味好出而又好浓，值得一提，虾汤拉面的面底都系深啡色，好入味，个面底本身都做左好多功夫。而另外，两个面的豚肉都几厚而好“林“, 但不过我都系钟意食叉烧多d最后，个面卖相好似好细咁，但其实食完又真系好饱。差唔多食完时，见到隔离枱的虎虾拉面，简直呆左，只虾好大只，而且卖相好靓，下次试下值得一提，服务都唔错，仲会经常主动加水。个人觉得无论价钱，味道，服务，座位环境，等位时间都比好多有名的拉面店好。始终现时中环和铜锣湾既有的名牌拉面店太多客，唔忧做，可能因而服务同品质都今时唔同往日。希望依间无名拉面店能继续保持水准喇。