糖室 (已結業)

本身系附近食野行过，点知一见到依间野就好想入，因为装修真系好特别，入面d家私好多都木造，望落好舒服！重点系，冷气好够，哈哈，因为出面好热所以依样好重要！依个牌超靓，忍唔住影低左！仲有依个光管牌都好cyber！我同朋友叫左两样野，都系40蚊一样倒，exactly几多钱唔记得左，不过真心唔贵以依个质素同环境。依个真系要必试！豆腐花！我第一次食咁滑咁香既豆花！佢得热，本身仲怕太热，但好彩叫热炸，因为我肯定冻一定唔会咁滑。佢系摆入口唔会有一粒粒唔会有渣个只，似系布甸个只咁 仲要成个小木桶俾我地食，超多，好抵食！重点系佢系配焦糖酱同黄糖，真系超夹，由其个焦糖酱，我估佢入面有黑糖？唔太肯定，但加入豆花真系好香好滑！仲有个梳芙里，又系估唔到咁好食，因为本身谂住去d山卡啦地方食西式甜品都唔会太有期望。但又系好好食，佢空气感好强，但摆入口又唔会系冇野入口个只，都仲有好多cream咁，个蛋味好重，唔会太甜，超钟意。我绝对会为左个豆腐花再去多次！