影片
更多
2021-05-16
967 浏览
话说原本系专登由港岛搭车去太子既金凤餐厅食港式据扒，一行三人大概晚上7点钟到达嘅时候，门口已企左差唔多有10几人，入去店内发觉要等最少16张台。由于天气已经好炎热，我地唔想等，于是我地就行附近嘅金翠餐厅谂住都系据扒冇乜所谓。入到去环境幽暗，装潢就冇乜，座位都算几迫夹。整体环境感觉真系好一般。打开餐牌， 牛羊猪鸡鱼类既港扒餐应有尽有。我妈妈决定叫鸳鸯扒餐，我先生叫左铁板牛柳，而我自己就叫咗羊后膝(腿)扒餐。每个餐都会跟红/白汤同埋餐包，仲包一杯野饮，正常餐室会有嘅嘢。冇乜期望之下，我个羊后膝餐一嚟已经发觉超大堆头，目测好似俾两个人食。佢有烧汁或者黑椒汁拣搭配。当我食第一啖时真系惊为天人，个羊腿D肉质嫩到不得了。我即刻俾我妈妈同埋我先生试，佢地都觉得好出色，好少可咁大份量之余仲要煮得咁好味，真系好有惊喜！无念过看落普通平凡既食店会有咁既质数，1百蚊多D个餐唔洗加一，真系好高CP值。而我妈妈既鸳鸯扒餐都唔错，个猪扒煎得啱啱好，保持到肉质嫩不会鞋口。我先生个牛柳肉厚多汁，质数在花园餐厅那种之上。无谂过误打误撞下食左呢餐CP值咁高既港式扒房。奇怪open rice佢有劲多负评。可能每个人既口味准
入到去环境幽暗，装潢就冇乜，座位都算几迫夹。整体环境感觉真系好一般。
打开餐牌， 牛羊猪鸡鱼类既港扒餐应有尽有。我妈妈决定叫鸳鸯扒餐，我先生叫左铁板牛柳，而我自己就叫咗羊后膝(腿)扒餐。每个餐都会跟红/白汤同埋餐包，仲包一杯野饮，正常餐室会有嘅嘢。
冇乜期望之下，我个羊后膝餐一嚟已经发觉超大堆头，目测好似俾两个人食。佢有烧汁或者黑椒汁拣搭配。当我食第一啖时真系惊为天人，个羊腿D肉质嫩到不得了。我即刻俾我妈妈同埋我先生试，佢地都觉得好出色，好少可咁大份量之余仲要煮得咁好味，真系好有惊喜！无念过看落普通平凡既食店会有咁既质数，1百蚊多D个餐唔洗加一，真系好高CP值。
而我妈妈既鸳鸯扒餐都唔错，个猪扒煎得啱啱好，保持到肉质嫩不会鞋口。我先生个牛柳肉厚多汁，质数在花园餐厅那种之上。
无谂过误打误撞下食左呢餐CP值咁高既港式扒房。奇怪open rice佢有劲多负评。可能每个人既口味准则都唔同，在我而言今次我既用餐经验良好，我真心会比个like佢。
$120
19 浏览
0 赞好
0 留言
张贴
