Epoch Coffee Bar (已結業)

朋友介绍呢间话三文治几好食，招呼好。寻晚终于一试，果然一d都无失望!侍应态度好好（我地冇叫饮品，仲不断加水，佢地仍然笑容满面！）令我同d 朋友都赞不绝口!我地一行4人，点左三份三文治，一份侍应热心介绍的晚餐，加再两个沙律。三文治好足料又几新鲜。Chicken & avocado同crab meat都好好味，酱又足够，唔会感觉”干争争”。Smoked salmon加左洋葱，所以我冇试，朋友话都ok好味。晚餐系multigrain rice配stuffed chicken breast，跟汤、甜品及餐饮($98)。以为餐汤一定细细碗，送到来发现都几大碗，而且唔系普通蘑菇忌廉汤，而系minced mushrooms，啖啖都好浓，好鬼好味。个主菜就不过不失，如果鸡胸滑d会好d。最意外应该系个跟餐甜品，可以任选cake柜里面任何一件cake。(一入到去已经觉得个cake柜好靓，d cakes几精致)我地要左tiramisu，方形的几特别，味道亦相当好。(要追加一件！)沙律叫左Mozzarella & tomato 同Caesar，Mozzarella & tomato个卖相非常吸引，用料亦不错。