影片
更多
2010-05-02
15 浏览
听日系结婚7周年纪念, 今日同老婆去庆祝下! 去边好呢? 又想食buffet, 不过又唔食得多, 想揾间中间价钱, 最后谂到呢度. 之前既食评好似都系麻麻地, 咁就本著一试既心态去食啦, 点知...喜出望外!buffet 6:30开始, 6:15可以入去坐住先. 地方唔错, 台与台之间阔落. 不过食自助餐, 最紧要都系有咩食先! 先讲海鲜冷盘, 食左虾、长脚蟹、翡翠螺. 我钟意食虾, 不过多数自助餐D虾都淡口, 佢呢D就好正, 又大只, 肉爽口, 最紧要系好有虾既鲜甜味, 正! 长脚蟹有鲜味, 唔咸口, 好食! 翡翠螺大大只, 不过味道一般, 唔系话好鲜甜. 全部不断refill, 唔洗争! 冻肉只得两款, 味道都可以架!沙律方面有杂果沙律、鸡蛋沙律、薯仔沙律、自制沙律(自己整咁解), 居然有我最钟意食既鸡蛋沙律同埋薯仔沙律, 忍唔住都要食番D, 好味! 可惜冇烟三文鱼, 不过佢都有细细卷既烟三文鱼卷, 补番数!热薰都有好几款, 我食左大头虾、酥炸生蚝、鱼、牛仔肉、咖哩烧鸭、丝瓜带子、蚝饼、印尼炒饭 (老婆食左新加坡炒辣蟹, 佢话ok). 大头虾有羔, 酥炸生蚝
buffet 6:30开始, 6:15可以入去坐住先. 地方唔错, 台与台之间阔落. 不过食自助餐, 最紧要都系有咩食先! 先讲海鲜冷盘, 食左虾、长脚蟹、翡翠螺. 我钟意食虾, 不过多数自助餐D虾都淡口, 佢呢D就好正, 又大只, 肉爽口, 最紧要系好有虾既鲜甜味, 正! 长脚蟹有鲜味, 唔咸口, 好食! 翡翠螺大大只, 不过味道一般, 唔系话好鲜甜. 全部不断refill, 唔洗争! 冻肉只得两款, 味道都可以架!
沙律方面有杂果沙律、鸡蛋沙律、薯仔沙律、自制沙律(自己整咁解), 居然有我最钟意食既鸡蛋沙律同埋薯仔沙律, 忍唔住都要食番D, 好味! 可惜冇烟三文鱼, 不过佢都有细细卷既烟三文鱼卷, 补番数!
热薰都有好几款, 我食左大头虾、酥炸生蚝、鱼、牛仔肉、咖哩烧鸭、丝瓜带子、蚝饼、印尼炒饭 (老婆食左新加坡炒辣蟹, 佢话ok). 大头虾有羔, 酥炸生蚝唔错, 鱼淡口左D, 牛仔肉都系普通野, 咖哩烧鸭怪怪地, 丝瓜带子都唔错, 蚝饼麻麻, 印尼炒饭就唔好理佢有冇印尼feel, 不过我觉得好好食, 可惜好饱再食唔落多D, 真系好想再食呀!
饮品方面有咖啡、茶, 同埋任拎任饮罐装汽水, 如果你钟番佢两罐汽水, 都值番唔少钱. 不过我就钟意饮水, 所以只系饮清水.
甜品我冇食, 老婆话ok, 佢话朱古力慕思最好食!
我有渣车去, 有少量车位, 食满$400有三小时免泊车 (两个人去已经够啦), 自己泊入停车场, 泊车tips都悭番, 抵! 冇位最多泊对面表位, 大把位!
$288有75折(咩都唔洗印, 佢本身有75折), 计埋加一, 每位$244.8. 以呢个价钱, 有呢D野食, 我觉得抵食又好食. 佢冇生蚝(不过有酥炸生蚝, 当然唔可以相比), 冇刺身, 如果你钟意食呢D就唔好谂, 如果唔系, 我绝对推介. 咩话? 要睇相? 咪又系果D样! 味道好就ok啦!
张贴