MANA! Fast Slow Food (已結業)

第一次食完有好想写食评的冲动。今晚同男朋友系中环，因为圣诞节实在食得太多，今晚想食得轻盈啲所以上网随便揾间素食店。由IFC行过去都只系10分钟，哗，个门口令简单但好正。灯光虽暗但店内的小爉烛真系几有feel。网上食评都写话1set combo食唔晒，咁我地就order咗个salad combo大size，两个人share。哗，早知叫个细size 真系食唔晒，今冇试过食沙律都饱到肚腩突出？个沙律有5样野，可以自选再加，男朋友爱olive咁就加咗个blank olive. 天气冻唔样饮果汁咁就加钱要多个是日汤水，黑豆汤。沙律里面有生菜同熟菜。仲有鹰咀豆同藜麦，呢两样加埋真系好有饱肚感。最喜出望外系个黑豆汤，冇预期会系点，但谂应该同黑豆浆差唔多。X X完全错晒，个黑豆汤真系真材实料，我谂个感觉同食粥差唔多，啲黑豆blend咗，好有口感，仲加咗啲中东香料，啲胡椒少少辣，好过瘾。黑豆健康但寒凉，加咗胡椒驱寒。真系中医常识，中东煮法。成晚同男友研究个汤点整，返屋企唔知整唔整到呢个味道。正正正。最后个沙律食净三份一，一客汤两个人share都净返三份一。下次要再嚟试。