冧廚 (已結業)

今日系屯门行完山，要奖励下自己，要大食一餐，所以去左有得任食鸡煲，打边炉同韩烧既冧厨。一入去，老板娘好和善有礼，已经令我对呢间餐厅加晒分。佢有自助区域，有炸鱼皮，薯条，牛肚，鱼蛋，娃娃菜，凤爪，口水鸡，皮蛋，可以医住肚先，水准都唔错架。首先上左鸡煲先，要左小辣。鸡件啖啖肉，好嫩滑，越黎越入味，越食越辣，好过瘾。之后用返鸡煲料加水做汤底打边炉，个汤底好正，好惹味。最后再食埋韩烧，因为都好饱，只系烧左少少野食。佢仲有几款自家制甜品：牛奶布甸，红豆椰汁糕，芒果布甸同豆腐花。豆腐花必食，好滑，好食过出面好多既豆腐花。呢间餐厅三合一任食任饮只需要$158加一，性价比超高，诚心推荐