Time Park Lounge

营业中

休息中

老友话带我尖沙咀食好嘢，好日唔行入去棉登径，原来已经变成食街一样，再唔系我以前认识灯红酒绿嘅地方。到咗门口，原来地库别有洞天，气氛仲好优闲，个人落到嚟感觉轻松!职员送上餐牌同我地讲最近出咗新嘅Wine list同Gin list，仲有新嘅牛扒菜式，好多选择，我决定除咗拣一杯cocktail之外，其他交俾老友发办，哈哈!“Whisky Sour”系 用Bulleit Bourbon呢只美国威士忌，最啱我口味，酒味较浓烈；朋友嘅“Rainforest”系Mocktail，佢话好有果香，较适合佢地女士饮!呢度嘅courses set会有“什菜沙律配意大利黑醋”，呢个重点当然系要新鲜啦；今晚嘅餐汤系“周打鱼汤”，个人喜欢佢多过忌廉汤；前菜有三款选择，“日本牡丹虾刺身”卖相精美，食落超级鲜甜，可惜得一只，不知几想叫多D嚟食；“烧八爪鱼脚配蔬菜烧汁”八爪鱼食落唔会好似外边有D冇哂味道得旧肉，好嘢!朋友特登唔叫“自家制特式蟹肉烧卖”做前菜而系另外单点 ，已经知道佢食过翻寻味，果然出色，脆脆春卷皮包住蟹肉同沙律，竟然发生互相辉映嘅效果，明明系春卷但点解叫“烧卖”呢?“烧西班牙黑毛猪鞍”感受到厨师好用心