明星皇宮

营业中

休息中

估唔到位于旧式屋苑入面的明星皇宫酒楼午市食点心都几好味㖞，本来冇期望，反而有惊喜，最特别系红米脆脆肠粉，卖相特别得来，肠粉皮入面的油炸鬼和西芹又真系好脆口，好味！虾饺和粉果又大只，皮又唔厚，好足料呢；春卷正常，好脆；𠮶碟黑椒金钱肚，好鬼大碟，牛肚大大嚿又够厚，底层放咗芋头，我怕油所以唔够胆食咁多；最唔推荐食就系煎萝卜糕，唯一呢碟唔够热，亦煎得唔够，而且粉太多好粘口。两个人食七碟点心饱到上心口。这里地方很大，有很多张细枱，枱与枱之间距离感一般啦，总括来说，食物质素唔错，茶位$9一位：抵。不过唔钟意呢度啲杯size 太细，一啖就饮晒一杯茶。