金鶴拉麵 (閩街)

营业中

休息中

平时好少出佐敦，今日难得出到嚟梗系要揾好嘢食。舖头位置系一条好唔起眼嘅巷到，而佢个门面都非常日本。男朋友话见到觉得呢间拉面好似几吸引，但系个人来讲几钟意食重口味野，平时基本上系食沾面多过拉面，见到佢嘅汤底全部都系白雪雪，一直都冇咩期望😂我哋两个人叫咗一碗金鹤鸡白汤沾面同埋一碗蟹肉拉面。先讲过沾面，望住啲汤，吖！又估佢唔到系咁浓郁嘅鸡味，超级香。除咗两块叉烧之外，佢另外再有两块鸡胸，肉质好嫩，唔似平时出面食嘅好「鞋」鸡胸！🤪再嚟就系个蟹肉拉面，本身想要有樱花虾𠮶款，不过店员推介蟹肉咁就信佢啦！而佢蟹肉份量唔少，而且汤底亦有蟹味，不过个人来讲就钟意沾面多啲喇！😋