影片
更多
2023-12-17
206 浏览
十周年纪念日open rice book位，餐厅职员来电confirm booking顺道问系咪庆祝纪念日，通知会送个心太软+写祝贺字句，未去食已经有少少开心！到达餐厅，职员好主动上前带位，隔住口罩都感觉到佢地系笑住欢迎😆入座后亦主动介绍餐牌、倒水，完全无冷待我地！我感觉系被服务、被欢迎！食物质素系喜出望外！以为平民价钱同质素系成正比，估唔到超出预期。个人十分钟意个黑松露香槟汁鲍鱼，浓稠但唔腻，鲍鱼亦有咬口但容易咬开。忌廉汤我都好钟意，浓稠程度适中，唔会觉得好济。龙虾汤一样好味，无一般印象嘅咸同好似饮虾酱嘅感觉。西冷同肉眼扒就算7成熟都易于咬开，唔干唔粗糙。心太软我系好钟意，中间有流心，外围嘅蛋糕系软绵绵！就连餐饮杯冻柠茶都唔似西餐厅个种柠檬还柠檬、茶包水咁，似茶餐厅个种好饮！服务质素都令我地食得开心嘅因素，职员好细心同主动，基本上我地唔驶叫或者挥手，只系眼神接触一下佢地已经主动过黎帮手，好耐无系香港享受过呢种服务质素，真心！帮我地影相仲讲句恭喜，超额服务！其间都有问我地食物o唔ok, 我系觉得被欢迎嘅感觉！食过几次米芝莲西餐都有失望过，呢间唔系米记但系我觉得好高质，会再想帮衬。下个月
到达餐厅，职员好主动上前带位，隔住口罩都感觉到佢地系笑住欢迎😆入座后亦主动介绍餐牌、倒水，完全无冷待我地！我感觉系被服务、被欢迎！
食物质素系喜出望外！以为平民价钱同质素系成正比，估唔到超出预期。个人十分钟意个黑松露香槟汁鲍鱼，浓稠但唔腻，鲍鱼亦有咬口但容易咬开。
忌廉汤我都好钟意，浓稠程度适中，唔会觉得好济。龙虾汤一样好味，无一般印象嘅咸同好似饮虾酱嘅感觉。西冷同肉眼扒就算7成熟都易于咬开，唔干唔粗糙。
心太软我系好钟意，中间有流心，外围嘅蛋糕系软绵绵！
就连餐饮杯冻柠茶都唔似西餐厅个种柠檬还柠檬、茶包水咁，似茶餐厅个种好饮！服务质素都令我地食得开心嘅因素，职员好细心同主动，基本上我地唔驶叫或者挥手，只系眼神接触一下佢地已经主动过黎帮手，好耐无系香港享受过呢种服务质素，真心！帮我地影相仲讲句恭喜，超额服务！其间都有问我地食物o唔ok, 我系觉得被欢迎嘅感觉！
食过几次米芝莲西餐都有失望过，呢间唔系米记但系我觉得好高质，会再想帮衬。下个月生日想再食，希望食物同服务质素维持到！唯一挑剔，梳化皮爆裂，对著短裙女士不友好！希望改善一下！
12 浏览
0 赞好
0 留言
张贴
