影片
更多
2014-09-24
1284 浏览
年中先嚟过铜锣湾嘅喜记蟹将军，估唔到事隔数个月再次造访，都喺多得朋友搞局，掹车边再嚟试菜。「双逢」唔单止想讲话嚟咗两次，更喺再回味「黑松露波菜汁蟹钳」及「招牌将军令」两道蟹钳菜式，能跟朋友开怀畅饮，相逢不恨晚啊 ！上次嚟未有花太多时间参观，除大堂以外，原来仲有好几个厢房，一室红金黑对衬，但就无咁重中国味道，相反大堂就富中国色彩多啲，雀笼吊灯，枣红绣花椅，布局雅致。就连枱上嘅碗碟都精致过人，印有花蟹嘅碗碟，叫人一望就知此处喺尝蟹之地啦！由于食蟹少不免要劳动双手，所以，晌走廊位加设一段「洗手」间，真喺方便好多，唔使下下出入洗手间。由于一早已拟定好菜式，所以，大家不用费神慢慢睇餐牌，而10多道菜式中有唔少喺店家嘅推荐，所以，大家都极之期待。 川卤牛展 $68 先嚟一道冷盘，让大家边食边等，川卤牛展虽然唔及上次食到嘅蓝梅山药、当归冰镇鹅翼咁特别，但绝无花巧，卖嘅喺扎实嘅味道，片片牛展切得厚薄如一，软腍而有点冰凉爽口，卤水香夹杂花椒川香，微辣不呛，过过口瘾真唔错 。 蒜蓉粉丝蒸蛏子皇 $48/只 第二道嘅蛏子皇，只只都超过半呎长，铺满蒜蓉、粉丝、葱花，热辣辣嘅蛏子皇入口爽弹鲜甜，
上次嚟未有花太多时间参观，除大堂以外，原来仲有好几个厢房，一室红金黑对衬，但就无咁重中国味道，相反大堂就富中国色彩多啲，雀笼吊灯，枣红绣花椅，布局雅致。
就连枱上嘅碗碟都精致过人，印有花蟹嘅碗碟，叫人一望就知此处喺尝蟹之地啦！
由于食蟹少不免要劳动双手，所以，晌走廊位加设一段「洗手」间，真喺方便好多，唔使下下出入洗手间。
由于一早已拟定好菜式，所以，大家不用费神慢慢睇餐牌，而10多道菜式中有唔少喺店家嘅推荐，所以，大家都极之期待。川卤牛展 $68
先嚟一道冷盘，让大家边食边等，川卤牛展虽然唔及上次食到嘅蓝梅山药、当归冰镇鹅翼咁特别，但绝无花巧，卖嘅喺扎实嘅味道，片片牛展切得厚薄如一，软腍而有点冰凉爽口，卤水香夹杂花椒川香，微辣不呛，过过口瘾真唔错 。
蒜蓉粉丝蒸蛏子皇 $48/只 第二道嘅蛏子皇，只只都超过半呎长，铺满蒜蓉、粉丝、葱花，热辣辣嘅蛏子皇入口爽弹鲜甜，肉质肥美，尽吸蒜香滋味，少少葱花带点清新，最后，粉丝自然都唔可以错过啦。
黑松露波菜汁蟹钳 $68/位 对比上次食改进咗㖞，虽然今次唔喺一整片黑松露刨出嚟放面咁矜贵，而喺细碎跟波菜汁打成一片，但整体效果更好。汁底有浓郁波菜味，又带点儿黑松露香，虽然叫汁，查实可以当汤饮。至于蟹钳比上次做得更好，味道鲜甜，肉质挺身，啖啖肉真好味 。
黄金蟹盖 $88 一个个蟹盖焗得金黄带半点焦㶶，香气弥漫，真喺「撒路溪钱」引死人。咪睇个蟹盖唔喺好大，其实好足料，滔一羹入口，大概有蟹肉、蘑菇、洋葱……等等，绵柔得嚟有咬口，底下更有唔少蟹膏，味道丰腴，咸香细腻，实在回味 。
蟹肉燕窝羹 $108/位 蟹肉燕窝羹可不便宜，但真材实料，都值得一试，以肉碎、蟹肉、蛋白及高汤做成嘅汤羹本身已鲜味十足，浓淡恰到好处，再加上养颜燕窝，自不然更合女生享用，小弟依啲粗人，要少啲燕窝又何妨！
招牌将军令 $68/位 卒之轮到将军令上场，同样以位上，不愧为招牌，水准不变，蟹钳质感鲜甜爽弹，虾胶打得好应记一功，铺得满满嘅炸金蒜，香脆带几分辣劲，惹味非常，难得继续以亲民价会大众 。
椒盐双拼 $98 上次嚟店长已介绍过，蟹、濑尿虾及椒盐双拼都喺镇店三宝，双拼分别喺九肚鱼同鲜鱿，脆浆拉得够薄，前者嫩滑，后者软腍，椒盐味唔算好重，反而蒜香多咗啲，最好用嚟佐酒应该无乜人异议啩。
喜记正宗炒辣蟹 $360 之前几道蟹菜故然可以食得斯文啲，不过，唔郁手郁脚食番个避风塘炒蟹又好似若有所失。单望对巨钳已觉得好有睇头，被大量金蒜笼罩，霸气十足，蟹肉紧致挺实，鲜甜惹味，金蒜嘅甘香无冚过晒蟹鲜，只喺拆蟹确喺麻烦啲。
蚝皇扣鲜鲍 $68 / 位 原只鲜饱扣得软腍，但以刀叉切开时仍有啜刀感，入口烟韧有嚼劲，配以浓浓嘅蚝皇汁，挂满晌鲜饱身上，真喺要细意味尝。
士多啤梨骨 $88 有别一般好似生炒骨或咕噜肉切细粒去做，而喺以大条大条嘅肉排做，亦无蘸粉浆炸，但肉排质感松化；个士多啤梨茨亦调得不俗，酸香甜蜜，无呛喉感。
蟹粉烩时蔬 $168 连时蔬嘅菜式亦加入「蟹」嘅元素，会唔会太大贪呢？清灼苋菜，再加上大量蟹粉，绝对比起上一次嘅浓汤云耳鲜茄田园蔬菜嚟得有点豪气。苋菜清嫩，夹杂蟹粉，无疑添多几重浓鲜蟹味。
蟹油炒面 $72 以自家制嘅蟹油蒜蓉王嚟炒面，加入银芽、韮黄，虽然简简单单，但面条炒得够干身，惹味辣香有个性。不过，个人都喺钟意上次另一个单尾「鲜蟹肉蚝仔泡饭」多啲！
招牌奶皇流沙包 $24 / 3只 甜品中以奶皇流沙包喺店家自信嘅招牌，上次食过，真喺做得绵溜富奶香，包身又松软，不过，今次再食虽然流沙包热辣辣，搣开个包热气腾腾，但奶皇馅无上次流得咁澎湃，幸好仍然绵密清香。
依餐既品尝到店家嘅招牌菜，又有数款海鲜菜式，最紧要都仲喺味道无走样，依然喺水准作。
张贴
