影片
更多
2024-06-25
7942 浏览
话说呢间私房菜，之前朋友已经邀请过一齐食，不过上次唔得闲，今次再次邀请，终于有机会试到！餐厅嘅内里环境骨致，整体嘅感觉都好干净企理，成间餐厅分咗几间大房，一间房嘅空间都可以好大，我哋今次一行八人，其实都坐得非常之舒适，好适合庆祝生日活动，成晚听到隔离几间房已经唱咗几次生日歌。首先介绍吓个菜单先：🌟Set B2🌟1. 堂灼鲍鱼2. 🛑椒盐汁龙虾肠粉底3. 手剁肉饼龙仔蒸蟹饭4. 橙味酒杯带子5. 龙趸面珠灯鸳鸯剁椒🌶️6. 嫩滑肉汁乳鸽7. 金汤烩千丝8. 特色面9. 时令拔丝🛑火焰叉烧一份$250首先佢会以鲍鱼片刺身上枱，然后焯熟完个鲍鱼，就会落芽菜煲汤汤俾大家饮，鲍鱼爽口够鲜味，然后就开始食主菜，我几钟意个椒盐汁龙虾肠粉底，龙虾肉好弹牙爽口，肠粉沾满晒成个椒盐汁，唔会太咸，不过有少少辣。另外，手剁肉饼龙仔蒸蟹饭都几特别，饭嘅份量唔会太多，呢个菜式蟹盖上嘅蟹膏，肉饼连汁又可以用白饭嚟配食，正！至于龙趸面珠灯鸳鸯剁椒，我哋当时就喺度谂究竟要有几多条龙趸先可以有咁多个面珠灯俾我哋食呢？😂😂鱼肉嘅口感好嫩滑，鱼皮够厚，最正嘅系佢放系底到索晒汁嘅粉丝，好入味！而且佢有分唔辣同辣，任君选择。去到中
首先介绍吓个菜单先：
🌟Set B2🌟
1. 堂灼鲍鱼
2. 🛑椒盐汁龙虾肠粉底
3. 手剁肉饼龙仔蒸蟹饭
4. 橙味酒杯带子
5. 龙趸面珠灯鸳鸯剁椒🌶️
6. 嫩滑肉汁乳鸽
7. 金汤烩千丝
8. 特色面
9. 时令拔丝
🛑火焰叉烧一份$250
首先佢会以鲍鱼片刺身上枱，然后焯熟完个鲍鱼，就会落芽菜煲汤汤俾大家饮，鲍鱼爽口够鲜味，
然后就开始食主菜，我几钟意个椒盐汁龙虾肠粉底，龙虾肉好弹牙爽口，肠粉沾满晒成个椒盐汁，唔会太咸，不过有少少辣。
另外，手剁肉饼龙仔蒸蟹饭都几特别，饭嘅份量唔会太多，呢个菜式蟹盖上嘅蟹膏，肉饼连汁又可以用白饭嚟配食，正！
至于龙趸面珠灯鸳鸯剁椒，我哋当时就喺度谂究竟要有几多条龙趸先可以有咁多个面珠灯俾我哋食呢？😂😂鱼肉嘅口感好嫩滑，鱼皮够厚，最正嘅系佢放系底到索晒汁嘅粉丝，好入味！而且佢有分唔辣同辣，任君选择。
去到中间，有一个叫金汤烩千丝既小杯，其实系用南瓜汤配莴笋，可以清清味觉再继续食！
嫩滑肉汁乳鸽，都系多汁肉滑！海鲜特色面系一个海鲜干炒面，面汁会用一个玻璃壶另上，呢个略嫌海鲜味道太淡，但系份量十足。
我哋额外仲加咗个火焰叉烧，一份$250，呢个叉烧系馒头扁包配搭一齐食，几欣赏佢有分半肥瘦同瘦嘅叉烧，都系令大家有得拣自己钟意食嘅喜好。
最后就系甜品时间，时令拔丝嘅外观就十分吸引，亦好震撼眼球，因为拔丝拉到好高，梗系相机食先📸📸而内里就收埋咗好多士多啤梨，再配搭丝嚟食，酸酸甜甜，有个完美嘅ending 🤪
人均消费未加1，每位大概$650
总括嚟讲，感觉良好，成餐饭都食得好舒服，质素唔错，会再去食！
张贴
