影片
更多
2018-10-20
754 浏览
森仔今日同女友去宝琳睇戏，今次我哋拣咗嚟呢间叫春天嘅春天。讲下间舖头先，店舖位于2期2楼最高个层，入到商场直行扶手梯上一层就到。店舖唔细，舖面好光，欧陆风，位与位之间唔挤迫，坐得舒服嘅。一人set份量都几多，一个人食绝对够饱，森仔同女友嗌咗一个set加两个小食，最后食到有啲饱。介绍下小食先，我哋嗌咗个黄金扇贝同焗蚝。黄金扇贝嘅黄金其实就系蛋😋蛋浆淋系在扇贝上面，焗完之后，蛋浆就凝固做一层好似被火枪烘过野，口感有层次，有层薄薄嘅蒸蛋系面，而味道系甜甜地又有啲似沙律酱，但佢系健康版😂😂。个烟肉焗蚝好香好大只，将烟肉粒打碎再同黑椒粒捞均，好似整肉饼咁，铺层系蚝面再拎去焗，香得嚟唔会盖咗阵蚝味，味道好新奇同好特别。讲下两位主角喇😝跟set可以拣沙律或者餐汤，最后我哋拣咗餐汤，即系周打蚬汤，味道清淡而浓稠。介绍下第一个主角龙虾拼盘先😋menu上面有mark埋拼盘入面有咩，唔驶大家再问啲staff先知👍🏻拼盘有半开边龙虾、西冷牛扒、羊扒同焗带子，配菜有薯条。洋葱同金菇连龙虾一齐焗，卖相一流之余味道又好，肉质爽口弹牙，以为要徒手打开龙虾钳，用手用刀差整得好辛苦，个waitress见我哋咁辛苦，畀咗个
讲下间舖头先，店舖位于2期2楼最高个层，入到商场直行扶手梯上一层就到。店舖唔细，舖面好光，欧陆风，位与位之间唔挤迫，坐得舒服嘅。
一人set份量都几多，一个人食绝对够饱，森仔同女友嗌咗一个set加两个小食，最后食到有啲饱。
介绍下小食先，我哋嗌咗个黄金扇贝同焗蚝。
黄金扇贝嘅黄金其实就系蛋😋蛋浆淋系在扇贝上面，焗完之后，蛋浆就凝固做一层好似被火枪烘过野，口感有层次，有层薄薄嘅蒸蛋系面，而味道系甜甜地又有啲似沙律酱，但佢系健康版😂😂。
个烟肉焗蚝好香好大只，将烟肉粒打碎再同黑椒粒捞均，好似整肉饼咁，铺层系蚝面再拎去焗，香得嚟唔会盖咗阵蚝味，味道好新奇同好特别。
讲下两位主角喇😝
跟set可以拣沙律或者餐汤，最后我哋拣咗餐汤，即系周打蚬汤，味道清淡而浓稠。
介绍下第一个主角龙虾拼盘先😋menu上面有mark埋拼盘入面有咩，唔驶大家再问啲staff先知👍🏻拼盘有半开边龙虾、西冷牛扒、羊扒同焗带子，配菜有薯条。洋葱同金菇连龙虾一齐焗，卖相一流之余味道又好，肉质爽口弹牙，以为要徒手打开龙虾钳，用手用刀差整得好辛苦，个waitress见我哋咁辛苦，畀咗个钳我哋。顺便赞下啲staff好留意啲客有咩需要😎；个牛扒好香唔韧无筋易咬；个烤羊架厚度刚刚好，肉易咬易咀嚼，比出面个啲易入口，整得好香，食落同闻落有淡香嘅羊膻味，刚刚好，而且唔油唔肥腻；个扇贝就同同小食黄金扇贝一样。
第二个主角就系美国肉眼扒，个牛扒口感同肉眼睇同龙虾拼盘嘅唔同，既大块又厚身，我哋无讲要几成熟，好好彩个厨师都无煮到完全熟，岩岩好。味道少咸，口感颇韧，肉汁丰富，尚算易切。
两个set嘅配菜都系薯条，系粗薯条嚟，上盘时热辣辣咸咸哋，入面嘅薯蓉都算饱满。
张贴
