連粵日粵饌居酒屋 (已結業)

两公婆系铜锣湾找嘢食，无意中发现有个地方可以俾我地坐低慢慢食吓嘢，好啰，次次系呢区都要食 “快餐” 咁，终于有次唔同啰！一入去就见到有唔少 sake，哈哈，啱晒，叫侍应介绍 d 新口味试试，一只就酒味重 d ，一只就花香味多 d ，先试只香味重 d 的 … 有酒喇，冇嘢佐酒点得，先来“串烧鸡软骨”，哗….好味！拍得住 d 大餐厅㖞！ 唔够喉再来多一客。另一款“盐烧鲭鱼”就一般喇之后叫侍应介绍左两个小食：梅子凉瓜、柚子酒煮蚬。凉瓜好爽口，梅子味唔太浓；蚬肉煮得很嫩滑，有清清的酒香，汤就带点甜味，食蚬之余连汁都饮埋，推，哈哈… 开始叫 d 饱肚的，“蒜蓉老虎虾”，“牛肉铁板烧”，“清汤萝白牛腩”：老虎虾 – OK啦，好重好香蒜蓉味，不过加些牛油落去应该更香！至于“牛肉”呢，劲好味㖞！吃到有好浓烧汁味，表面果层脆脆地，中间夹住洋葱和蒜蓉，好香口，必吃之选！“清汤萝白牛腩”一般啦！牛腩都够淋，反而喜欢食萝白多D，因为索晒D牛腩汁而本身不是太淋果种，有口感啰！最后好想食个甜品，老板送了两个雪米糍俾我地，整体很喜欢环境和食物！可算系意外收获！