肆年八月米線專門店 (已搬遷) 新店位置

之前睇fb有介绍到哩间餐厅，我又住系附近，咁啱近期想食酸辣米线，所以就lunch带埋囡囡同奶奶黎试下。其实哩间餐厅嘅位置都比较隐蔽，如果唔系住大围嘅人士，都需要寻找一下，因为佢系大街见到嘅餐厅嘅后面，要系小路行入去的。由于我带住我个囡，我都有啲担心冇野啱佢食，好在佢是日午餐有个鸡汤米线，我奶奶就叫左哩个是日午餐，而我就叫左手撕鸡酸辣米线。我大概系一点十五分左右去到，撞正lunch time，所以都几多人，加上佢得两个人去招呼啲客，见佢都好忙下，我大概都等左差不多20-30分钟先有得食。我碗酸辣米线，色水都唔错，闻落去都好香，好吸引，食落都真系唔错，辣度属于少至中辣左右，都几合我口味。至于鸡汤米线，我奶奶就话咸咗少少，但我个女都几中意啲米线。总结：哩间都算系一间诚意小店，地方小小，食物都系有心思去煮的，不过就要有少少耐性等下。如果系中意食辣野，香口野的话，真系可以不妨一试。我建议就尽量唔好系正lunch time去，如果唔系，就要等起码20分钟。