宗像屋 (已結業)

今日下午原本同同事去嘉顿食lunch,但原来已爆，见呢间咁特别又未试过同同事试下，餐厅内只有四种选择，分别系梅、竹、松、特上 四种丼饭，分别系:1.梅系有9种鱼2.竹都系9种鱼但增量3.松系9种鱼加蟹肉、4.特上系9种鱼加蟹肉再加埋海胆一黎会先送上两片鱼生片，而鱼生上面有少少胡麻酱，佢地教我地先食一片先，另外一片留返一阵放汤食。我地今次叫左竹，吞拿鱼蓉搭到好高下，份量好足料，味道几好，而佢地教我个丼饭可以分3份食：三分一用紫菜当手卷咁食三分一鱼生饭咁食最后三分一将鱼生饭加汤当汤饭食，我觉得三个食法呢个最正，汤好似系鲜鱼汤，食时加翻之前食剩果一片鱼生片。鲜鱼汤配上鱼生饭，味道唔错，鱼汤又鲜味，呢个食法食完令整个饭增分不少。总括来讲，未食过可以一试，店主话如果夜晚食仲可以叫蚝，下次要去试下。