喜滿樓菜館

营业中

休息中

上星期跟几个老友出来聚旧，去咗喜满楼食怀旧菜。好多人将喜满楼同金碧比较，其实各有千秋，我就钟意呢度多啲，呢度环境够晒街坊风格，食得唔拘𧫴。菜式选择超多过百款，价钱大众化，仲有好多创新菜式，适合各年龄层食家。当日㸃左几款怀旧菜：龙皇杏汁白肺汤丶风沙鸡和芝麻鸡各半只、荷叶蒸膏蟹腊味炒饭、啫啫大鳝煲、避风塘鲜鱿、虾多士、焗鱼肠等。菜式有新意，味道一流，够镬气够风味。招牌菜首选是芝麻鸡，芝麻鸡胜在芝麻够脆够香，风沙鸡胜在够蒜香，皮薄肉质鲜嫩有鸡味，有层次口感。虾多士更是一绝，真材实料。老友们个个食得高兴，够哂和味。