影片
更多
2014-04-23
2090 浏览
写食评纯为兴趣，好似有人喜欢写日记，有人喜欢写游记，不知不觉间升咗为所谓「殿堂食家」，仲做埋咩「菜式达人」、「地区达人」，真喺有啲见笑。就因为依啲虚衔，成日被人问有咩好介绍，其实人人口味不同，我话好食，唔等于好啱你口味。小弟家住美孚，就更周不时被问及依区嘅心水推介餐厅，老实讲，依区快餐店、茶记居多，有质素及特色嘅食店真喺一只手掌数得晒，「小越南」就喺其中一家 ，今晚，与几个朋友前来捧场。因为成个美孚区，得佢一间打正旗号卖越南菜，所以，变相独市生意。加上够特色、有质素、定价合理，平时经过都见唔少挞拖著便服嘅街坊帮衬，好似今晚闲日嘅星期一晚，坐吓坐吓都坐九乘满，逢五六日就更少不免要排吓队等位 。一室湖水绿衬白，配浅啡梳化椅，加上幅荷塘油画，装饰简约骨子，不过由于小店经营，铺位细细，全场爆满时确实有点点逼，支持小店时就要有所体谅 。菜式方面，跟之前嚟变化不大，一啲主打嘅菜式，均以食物相片形式作为餐牌介绍，所以个菜式喺乜，份外清楚。此外，仲有一个主餐牌，分别列出汤粉、捞蒙、炒粉 / 饭、蔬菜、小食及饮品……等多个类别。如果想经济啲，晚市套餐就应该最上算啦，一客粉面饭，加个小食及餐饮，都喺
因为成个美孚区，得佢一间打正旗号卖越南菜，所以，变相独市生意。加上够特色、有质素、定价合理，平时经过都见唔少挞拖著便服嘅街坊帮衬，好似今晚闲日嘅星期一晚，坐吓坐吓都坐九乘满，逢五六日就更少不免要排吓队等位 。一室湖水绿衬白，配浅啡梳化椅，加上幅荷塘油画，装饰简约骨子，不过由于小店经营，铺位细细，全场爆满时确实有点点逼，支持小店时就要有所体谅 。
菜式方面，跟之前嚟变化不大，一啲主打嘅菜式，均以食物相片形式作为餐牌介绍，所以个菜式喺乜，份外清楚。
此外，仲有一个主餐牌，分别列出汤粉、捞蒙、炒粉 / 饭、蔬菜、小食及饮品……等多个类别。
如果想经济啲，晚市套餐就应该最上算啦，一客粉面饭，加个小食及餐饮，都喺$63-$78。亦有二人晚市套餐，优惠价$172，究竟包啲乜？睇相就知啦！可惜，只限星期一至五（公众假除外）6:00pm后供应。
因为想朋友试多啲特色嘢，所以，主攻小食类，一切粉面饭嘅，暂且留番下次，其实，之前所试过嘅炸虾饼捞檬、越式酸辣海鲜汤河均甚有水准。小越南秘制牛油鸡翼 $51
一客有5只，只只鸡翼都喺大呎码，唔会奀挑鬼命无肉食。鸡翼炸得金黄，表面蒜粒十足，但牛油香依然突出，外层入口甘脆，内里鸡肉非常嫩滑，整体食到牛油及蒜香，叫人万分滋味 ，同行友人原来喺鸡翼迷，佢对此赞不绝口，所以，临尾为佢再追加另一招牌鸡翼。
越式虾柚子沙律 $71 个柚子沙律好丰富，有好多青木瓜丝同柚子肉，加埋少量甘笋丝、炸椰子碎，再自行淋上鱼露，轻怡、酸香、醒胃 。尤其啲柚子肉，饱满多汁，而熟虾亦都颇鲜甜。
迷你越式拼盘 $54 人少少点个迷你越式拼盘，就可以一次过试到3样嘢：炸虾饼、酸辣无骨凤爪、越南扎肉。炸虾饼水准依然，虽则虾味未算超农，但弹牙唔油；凤爪酸爽微辣，口感冰凉；扎肉虽贵为越南知名食物，但跟虾饼、凤爪相对就变得普通啲，其实扎肉质感柔软而爽弹，味道都唔错。
牛油蒜蓉焗带子 $81 继秘制牛油鸡翼，又一牛油、蒜蓉嘅组合，焗得带点焦香嘅原只连壳带子，劲重牛油及蒜蓉香，仲稍嫌牛油有啲重手咗，所以食起嚟有啲啲油腻感，减番啲牛油就更好嘞。而带子肉质细嫩，晌牛油及蒜蓉下，隐约嗒出佢嘅鲜味。
小越南香炸大头虾 $72 因为其中一个朋友唔食得虾，所以，香炸大头虾我哋只叫一客共享。餐牌注明喺3头大，即喺一磅有3只嘅大细，所以大头虾非常硕大，做法相对简单，蘸满蒜粒酥炸。虽然喺咁，蒜粒又无太冚过虾鲜味，虾肉入口好鲜爽，果真香脆弹牙，令人回味 。而装满虾膏嘅虾头，胆固醇万岁嘅人士就更不容错过啦，值得推介。
马拉盏炒菜心 $43 太多肉，总要有点菜，简简单单一道马拉盏炒菜心就足够嘞，菜心嫩绿有菜味，马拉盏够风味，转眼一碟炒菜心就被大家清晒。
小越南焦糖姜粒鸡翼 $51 上文讲过其中一位朋友喺鸡翼迷，而自己又试过依款黑糖姜粒鸡翼，觉得甚有特色，当然要推介俾朋友啦。同样一客有5只，卖相焦焦黑黑，绝对喺唔好睇，但就喺好好食嘅鸡翼。味道上甜甜哋，又辣辣哋，带有浓香嘅姜味，外皮带点脆，鸡肉依样做到嫩滑，好味有特色 ，不容错过嘅小食之一。唔知有无发现，佢哋好多小食嘅伴碟都喺酸萝卜丝，原来自家腌制，酸得嚟开胃唔揦喉 。
凡点粉面饭或主菜，饮品都有优惠，加$9配热饮、加$11配冻饮、加$15配特饮 ，差不多半价咁滞，当然要点番几杯特饮嚟试试啦。椰汁冰 $22（单价）/ $15（优惠价）
大大杯嘅椰汁冰，朋友话几重椰汁味，清甜好饮。等我下次都试吓先！
青柠梳打 $22（单价）/ $15（优惠价）入口清爽凉快，青柠嘅酸香，宁舍醒神。
越式滴漏咖啡 $28（单价）/ $15（优惠价） 我就始终喜欢佢嘅滴漏咖啡，睇住佢逐滴逐滴咁漏落去，好有一种精华感觉，以传统做法配炼奶，故此味道有点甜，但咖啡香而带点点苦，不过无涩无酸，入口有种醇厚感 。
睇到餐牌右下角嘅一句：「~珍惜食水，本餐厅将不主动提供清水~」，个人几支持依个举动，因为有啲人真喺唔会掂杯水，只多用嚟洗吓餐具，试想吓，一日有几多人嚟帮衬，可能就浪费咗十几公升水喇。最后，我哋几个人实在太长气，由7:30pm坐到人哋闩铺，温馨提示，小越南收9:30pm架，认真唔好意思阻人收工添 ！
张贴
