影片
更多
2023-07-09
79 浏览
*喵🐱被无数主子包围的猫奴Cafe🐈🐈⬛*骆驼漆大厦食肆多选择，原来第1座6楼蕴藏一个「喵星人天堂」！Lunch时间，一行3个女仔小庆祝 决定要去食餐好d, 专诚book左呢间猫咪Cafe, 除左餐厅食物同饮品好有创意，最过瘾系餐厅内有好多猫猫🐈🐈⬛陪我地玩 陪我地食！到达门口位置，店员已经好细心咁提我地喺门口著上蓝色鞋套，保持卫生，当然仲有消毒双手！场内好多一家大细同爱猫之人，小朋友见到咁多可爱的猫仔走来走去，最开心不过，追追摸摸，要妈妈嗌先舍得返位食野，哈😜虽然只系午餐，但3个女仔见到餐牌上好多野食都好吸引, 叫左3个正餐+2个甜品+4杯特色饮品☺️一场黎到 试多啲野嘛😆 等紧上菜，梗系要出去同猫猫互动一下, 每只猫仔都挂上名牌，当中我最喜爱的就是英短了，眼神呆呆咁，得意到🔆土匪烧春鸡伴孜然烧汁(半只) *🔆冬荫功烩意大利饭 *🔆烟三文鱼班尼迪酸种面包配薯条 *🔆朱古力合桃布朗尼配雪糕🔆红豆抹茶窝夫配雪糕🔆400次焦糖咖啡🔆Oreo脆脆特浓朱古力🔆意大利薄荷咖啡🔆冻精选特调咖啡*午餐奉送 脆卜卜牛油多士条 及 餐汤🍗烧春鸡fusion做法有意思，西式烤焗做法，但阵阵的孜然香味😌一
骆驼漆大厦食肆多选择，原来第1座6楼蕴藏一个「喵星人天堂」！
Lunch时间，一行3个女仔小庆祝 决定要去食餐好d, 专诚book左呢间猫咪Cafe, 除左餐厅食物同饮品好有创意，最过瘾系餐厅内有好多猫猫🐈🐈⬛陪我地玩 陪我地食！
到达门口位置，店员已经好细心咁提我地喺门口著上蓝色鞋套，保持卫生，当然仲有消毒双手！场内好多一家大细同爱猫之人，小朋友见到咁多可爱的猫仔走来走去，最开心不过，追追摸摸，要妈妈嗌先舍得返位食野，哈😜
虽然只系午餐，但3个女仔见到餐牌上好多野食都好吸引, 叫左3个正餐+2个甜品+4杯特色饮品☺️一场黎到 试多啲野嘛😆 等紧上菜，梗系要出去同猫猫互动一下, 每只猫仔都挂上名牌，当中我最喜爱的就是英短了，眼神呆呆咁，得意到
🔆土匪烧春鸡伴孜然烧汁(半只) *
🔆冬荫功烩意大利饭 *
🔆烟三文鱼班尼迪酸种面包配薯条 *
🔆朱古力合桃布朗尼配雪糕
🔆红豆抹茶窝夫配雪糕
🔆400次焦糖咖啡
🔆Oreo脆脆特浓朱古力
🔆意大利薄荷咖啡
🔆冻精选特调咖啡
*午餐奉送 脆卜卜牛油多士条 及 餐汤
🍗烧春鸡fusion做法有意思，西式烤焗做法，但阵阵的孜然香味😌一切开，鸡肉Juicy嫩滑，芝麻脆皮相当惹味！配菜有creamy薯蓉同片烧茄子、萝卜、翠肉瓜，烧烤味浓，而且解腻😋
🌶️冬荫功烩饭几有创意，份量多，海鲜炆煮后，入味而保持鲜嫩，如果辣度可以解低返少少/提供辣度选择，就更好了！
🧇红豆抹茶窝夫配雪糕卖相精致，我地点黎庆祝生日，张合照都igable啊❤️ 件件心形窝夫都焗到外脆内烟韧，配上雪糕、红豆同cream大满足🥰
☕400次焦糖咖啡真系唔讲得少，第一啖已经十分浓厚同香滑🍯
除左食物，我地都好感受到店员的细心和对猫咪的爱护，餐厅除左有广阔的空间同设施比小猫走动同休息，店员送餐照顾客人之余，都会一眼关七，留意唔好比猫猫掂到人类的食物/饮品。食到一半，遇上猫猫喂食时间，幸运的客人可以拎住粮，一尝「比猫围」的感觉了😊 猫奴同主子一同进餐，真系几幸福👍🏻
最后，我仲encore叫多左杯饮品，好满足咁抱住个肚准备返公司了，但真系唔舍得咁chill的环境同咁多可爱的猫猫啊😙 下次晚餐时段再黎，就可以玩耐啲，同多啲猫猫影相了📸
❣️URBAN Cafe (骆驼漆大厦)❣️
观塘开源道62号骆驼漆大厦第1座6楼
张贴
