Green Orange

约咗朋友喺上环附近食lunch，就揾咗Green Orange试吓，一入到去环境好有情调，而且服务上安排咗张四人枱俾我哋两个人，坐嘅空间好松动。我哋嗌咗两个lunch set，个餐包咗黑松露蘑菇汤同沙律，个汤味道好浓郁，配埋两块蒜蓉包一齐饮个汤，非常不错。一个餐我叫咗慢煮北海道带子配芝士柠檬忌廉汁意大利饭，卖相十分精致，个饭足足有四只带子，非常足料，而且个烩饭非常之有咬口，而且入味，好食！另一个餐我叫咗烧BBQ美国猪肋骨，仲配有薯条，个猪肋骨叶得非常入味，烧得非常嫩滑，完全唔会嚡同干身。食完两个餐仲配咗杯餐饮，份量充足，喺上环呢个价钱食到呢个质素非常满意！