金樂軒雞煲魚鍋

营业中

休息中

喺北角冇人唔識呢間「金樂軒雞煲魚鍋」餐廳，因為開咗好耐，小菜或者煲都好出名。冇諗過我星期二晚七點左右嚟，都全場滿座。竟然有一班後生仔咁識食，book咗一張大長枱超過12人。我哋叫咗啫啫通菜煲，新鮮滾熱辣出到嚟仲係出緊煙，啲菜好新鮮爽口。豉椒炒花甲，好肥美，隻隻厚肉。藥膳牛腩蘿蔔煲，超級多蘿蔔，煲到好腍好入味，啱晒我要補返啲纖維。椒鹽鮮魷，香脆香口，鮮魷又切得大塊，唔係剩係得個皮。喺呢度都必點，自家製嘅竹蔗茅根一渣，潤一潤解渴清熱。