尚鮮海鮮料理 (已結業)

又去左打边炉，今次去食位于铜锣湾嘅「尚鲜火锅海鲜料理」。 姫松茸冬瓜汤，饮落好清甜，而且养生又滋补，冬瓜、松茸、瘦肉嘅份量都好多，斋食汤料都够回本。血池麻辣汤，味道几呛口，云耳喺麻辣汤入面滚到索晒味，所以食落好惹味。汤底唔算油腻，越滚就越麻越辣，啱晒无辣不欢嘅大家。牛三拼:雪花牛柳粒，口感厚实，食落好爽口。牛三拼:特尚手切牛，牛味香浓，食落好细嫩。牛三拼:手切牛边位，切得好薄身，油脂分怖均匀，有几块食落做到入口即溶效果。鲜炸脆响铃，好大嚿，索晒D汤尼食，好好味。百花酿油条，油条炸得好香脆，虾滑弹牙。木耳鲜虾云吞，猪肉肥瘦恰当，鲜虾大只够鲜味，木耳令云吞食落几清爽。西洋菜香菇饺，喺汤底度滚左好耐都无烂皮，皮薄馅靓又足料大粒。大花甲，好大只，味道鲜甜。金不换黄金虾，大虾炸得好酥脆，裹满咸蛋黄蓉，连虾头食都无问题。尚鲜火锅海鲜料理地址：香港铜锣湾耀华街3号百乐中心8楼