日本野 (已結業)

早排系旺角食左Mini Friday，发现同层另一间餐厅叫日本野，你冇听错，餐厅名字直系叫日本野。我非常欣赏餐厅直接既一面，所以今日决定试一试日本野。餐厅最近做紧优惠，只要客人叫左set dinner D同H可以玩木桶大叔。第一把刀就赢既客人可以免费，第二把刀先赢都有五折。我同女友都系第八、九刀先赢，不过都有八折✌🏻 牛油果软壳蟹卷好大份，软壳蟹好脆口，牛油果有助中和油腻感，加埋沙律酱酸酸甜甜，非常滋味。芝士煎饺子表面劲多芝士，芝士完全融化，令饺子口感更丰富多汁。炭烧秋葵普通通通。炭烧牛舌串调味刚刚好，唔会遮盖牛舌本身味道，肉质有韧劲。女朋友嘅dinner set系石烧吉列牛定食，肉味都算浓郁，充满嚼劲，有少少油香。唯一要弹既系炸粉同肉容易散开。套餐亦配有溏心蛋，白饭同汤。至于我既dinner set就系和牛寿喜烧。不论油花既分布同纹路，和牛既卖相都非常吸引。自己钟意较浓味既寿喜烧汤底，日本野既寿喜烧正正满足到我呢一点。厚烧鳗鱼玉子一共有三件，玉子烧口感比较厚实，失去滑嫩既口感，不过点埋黑松露酱就好好味。食左咁多埋单都系$750。我个人认为寿喜烧同卷物值得一试。