豐盛閣

营业中

休息中

趁假期就想同仔仔去远啲行下，今次就去马湾玩下先。顺路去埋沙滩隔离嘅酒店餐厅食dinner buffet🍽 我哋坐喺窗边位置，可以饱览沙滩同海景之余，仲可以见到青马同埋汀九桥😎一边食嘢一边有靓景，食🉐特别开心😚 餐厅依家做紧「盛夏果漾海鲜自助餐」主题，除咗环球海鲜同埋各款刺身之外，仲有一系列特别醒胃嘅菜式，例如脆炸咸猪手配香芒黄梅酱同香煎鸭肝多士配枫糖香橙酱。估唔到咸香又脆皮嘅猪手配上黄梅酱有几好味，有啲似烧肉点梅子酱食咁😆而香橙酱配上鸭肝又可以解腻，真系几match👍🏻海鲜方面都几多选择，除咗海虾、青口同埋翡翠螺之外，仲有咸鲜味十足嘅长脚蟹、好多膏嘅面包蟹同埋波士顿龙虾🦞啱晒钟意食海鲜嘅老公☺ 仔仔最欣赏嘅就系甜品啦🧁𠮶度有部好特别嘅自动pancake机，只要喺个sensor位挥动只手，好快就会有一块新鲜热辣嘅pancake出现，自己再加埋配料，食得好开心😁当然唔少得可以任食Movenpick雪糕啦😍作为抹茶控嘅我就试咗柚子绿茶饼，感觉好清新。