王府

营业中

休息中

星期日食完早餐去元创方睇展览同打书钉，hea咗成个下昼，有尐肚饿，出到苏豪区，已五点钟，Sunday brunch同 all day breakfast都收晒，晚餐又未开始，行落去见有间门口贴住米之莲食肆嘅饺子店，于是入去试试，可能未到晚市时间，冷清清得一枱客，但不断有客人入嚟买外卖生饺子。我一向钟意试新嘢，点咗海参三鲜饺同羊肉京葱饺，香辣猪耳同豆浆，从外型嚟睇，两款饺子睇落都系差唔多，首先试海参三鲜饺，馅涨卜卜，有海参、鲜虾同猪肉，师傅切得好幼细，唔留意都睇唔到有海参，味道确实唔错，唯一可惜就系食唔到海参嘅质感；羊肉京葱饺做得相当出色，整个羊肉馅被肉汁包围著，浓浓嘅羊肉味，京葱同羊肉已完全混和在一起，连我这个不吃葱的人也无从挑剔。香辣猪耳好脆，有青瓜丝垫底，酱汁比我想像中辣，不过又辣得几过瘾，除此之外就食唔到其他味道喇。至于豆浆系属于大路嘢，本应冇乜好写，但味道有尐似维他奶。