極品煮意 鷄煲.烤魚.火煱 (已結業)

行完葵广黎左食晚餐，$158一位鸡煲加任食火锅，好抵食！见到哩个位上多层就黎，喺大家乐楼上。我地7:30入座，限时2个钟。调味料、茶、白饭等以自助形式自取。有好多餐前小菜食，等紧鸡煲上之前填下肚先。凉伴豆芽同豆角好味，爽口微辣食完好开胃。鸡煲可以拣辣度，我地拣左BB辣，份量好大煲呀，鸡肉好多，加左洋葱、芫茜、西芹等好香又入味，估唔到咁多我地食完都饱左一半。食到差唔多就可以落定火锅料，大部份都系冻柜自取既，有小部份系划纸落单。特别一提手打鲮鱼滑好大粒，弹牙又新鲜，最重要系冇骨。脆鲩鱼片都好正，可惜有不少短骨。哩餐真系食得好饱，野食唔错。👍🏻