鮨石 (已結業)

上个月去咗日本食厨师发办，返到香港成日心挂挂，最后揾咗一间位于尖沙咀既鮨石，试吓揾唔揾到系日本既感觉🤤第一道菜系一个前菜拼盘，有酒盗明虾，无花果胡麻酱，莲藕有机物加醋。酒盗系腌渍的海鲜内脏，平常系居酒屋会配芝士，今次配虾，口味会冇咁浓，作为开胃小食一流。第二道菜系九洲伊佐木鱼，另外仲跟咗个花。刺身可以就咁食用，亦都可以配上花冧，夹住嚟食。师傅教我哋可以用手先拍打一下花冧，释放一下佢嘅香气，除咗味觉之外，嗅觉亦有另一种享受。第三道菜系北海道粒贝，肉质纤细柔嫩，有咬口，味道爽口清甜，慢慢细味之下，会感受到淡淡的海水味。第四道菜系𫚕鱼，配以酱油渍过既蛋黄。师傅话呢个系佢自己设计出嚟嘅食法，食用之前，先搅拌蛋黄，再用刺身沾满蛋液。刺身食落淡淡甘甜。鱼油香气，蛋黄嘅味道更加令整个口感更加丰富味道更加浓郁。第五道菜系𩽾𩾌鱼肝，平时食𩽾𩾌鱼肝，好易觉得好腻，师傅特意加咗一块腌渍过的奈良西瓜，无论口感上同埋味道上都多咗一个层次。第六道菜系昆布烧白子，昆布取其味道，唔食得嘅。白子好新鲜，冇腥味，非常鲜甜！再嚟几道炸物，京都菜之花 北海道八爪鱼 青森山药之后呢个我相信喺其他地方嘅厨师发办唔会食得到，俄罗斯