上海美華菜館 (已結業)

呢间位于土瓜湾内街嘅餐馆，如果唔系街坊或者专登到访嘅人一般系唔会发现佢嘅位置，话虽如此，星期日早上八点钟🕗未够已经有唔少人嚟食早餐。而我呢日全日(晨早开始...)都要出土瓜湾做嘢，所以顺便嚟一尝上海早餐。由于得自己一条友，所以唔可以嗌好多嘢食，考虑咗好耐要甜豆浆定咸豆浆，但系最终要咗甜嘅，无乜特别，早知试吓咸嘅好过，因为比较罕见。另外我叫咗个咸甜粢饭，粢饭真系好饱因为有好多饭🤣，而且好大嚿，入边有唔少肉松同菜谱，仲有少少砂糖都几得意，但系我嫌佢啲饭比较硬，食到尾有少少唔想食。整体来讲，我觉得唔算非常好食，之前喺台湾食过啲有埋成条油炸鬼系入边嘅好食啲，饭都比较易入口。可能我叫错嘢食啦，有机会都仲想试吓佢个咸豆浆嘅。