丼丼屋 (創紀之城五期(apm))

营业中

休息中

正宗日式丼物专家丼丼屋经常都会由日本独家引入当地名物🇯🇵今季联乘嚟自名古屋嘅海鲜丼专门店 Sakana Factory将佢哋嘅人气 No. 1 名物丼带到全线丼丼屋及丼丼屋×鸟开联乘店。今次我就试晒两款😌 🐟极の海鲜丼三文鱼粒、油甘鱼粒、吞拿鱼粒同绵滑细腻嘅吞拿鱼蓉混合青瓜粒、萝卜渍粒、洋葱粒堆成小山丘，侧边仲有三文鱼片、油甘鱼片、三文鱼籽同飞鱼籽一齐铺满饭面，鲜上加鲜🤤海鲜上面放有日本生鸡蛋，拮穿佢之后浓郁蛋汁包裹住海鲜，令原本粒粒分明嘅日本米饭增添顺滑感。佢哋仲推荐一丼三食：先品尝海鲜丼原味，再加入浓而不腻嘅胡麻酱品尝独特风味，最后食净1/3时加入鲷鱼高汤🍲汤渍食法提升食材嘅鲜味，但系我自己就好钟意胡麻酱，估唔到都咁夹。 🦐赤海老丼铺满爽口弹牙嘅赤虾刺身，多到完全见唔到啲饭，配搭飞鱼子同埋日本生鸡蛋，口感层次丰富，另外啲饭都混入咗葱比较特别。 再加$29就可以有三文鱼帆立贝刺身，超级丰富。两款丼饭都可以用$10优惠价升级定食，有埋前菜、日式汤、甜品同果茶。