熱沙咖啡 (已搬遷) 新店位置

马湾都系一个唔错嘅旅游景点，适逢假日，就嚟到呢度闲逛慢活一下。一直都知道喺马湾呢边有一间主打土耳其风嘅餐厅。🇹🇷今日难得嚟到就入去帮衬下啦。😎一开始已经比店内嘅布置吸引咗，入到店舖门口就摆咗各式各样嘅土耳其小食同埋茶包等嘅商品。喺店员安排好位置之后，就点咗一客土耳其招牌烤鸡半份🍗同埋主打嘅土耳其热沙咖啡！☕️佢嘅招牌土耳其烤鸡非常之大份，烤鸡烤都好靓香喷喷，味道亦非常可口。伴上大量嘅蔬菜同埋充足份量嘅白饭，如果胃口唔算大嘅朋友可以两个share食都得！🤪至于佢主打嘅土耳其热沙咖啡，睇到佢个制作方法都觉得系好传统，系一个几难忘嘅体验。咖啡香滑浓郁，钟意饮咖啡嘅人都可以试一试。