影片
更多
2019-04-05
88 浏览
小弟纵横放题几十年，未曾试过咁差嘅放题！最阴功系今晚我请朋友食饭，但居然难食到呢个地埗，我成餐饭不断同对方话唔好意思。。一如所说，为咗唔好失礼，小弟叫咗刺身+高级美国牛肉每位盛惠$258，但出嚟嘅嘢系极级过份。。如图所示，三文鱼薄如手A4 纸，睇到刺身师傅手几咁高章，甜虾、马刀贝、荣螺全部都系无味嘅，有嘅就只有溶冰后嘅冰水味，好离谱劲火滚，收紧极尚瀛喜嘅价钱，但连争鲜质素都无，唔怪之得成间舖5张枱都无。。寿司亦系利害至极！能够揾嚟手指甲咁大块嘅帆立贝再横刀㓥开一半放响旧饭度，点睇师傅嘅刀工都真无敌果只；加埋干旱皱皮嘅鳗鱼，真系情何以堪！猪肉算系唔错，唔会得个肥字。。我哋叫嘅中价位牛肉样子都ok嘅，但肉味欠奉，只能够话有旧肉响口度𡁻吓𡁻吓。。汤底叫咗个最辣嘅辛辣汤，单一无层次嘅辣味原来都几清。。海鲜类都几多嘢㨂，生蚝、鱿鱼、花胶、墨鱼滑等一大堆，但非常神奇地所有嘢都系淡而无味㗎。。。点解可以做到咁？一堆嘢咁上真系见到都唔开胃，仲要系只有雪味嘅海鲜。。虾，系霉嘅；东风螺，系有激烈泥味；蚬就最正常，食得落口。唔知呢间店嘅好评系点储返嚟，但一间位于油塘好靠街坊支持嘅店，用咁嘅价格水准去见人，有
一如所说，为咗唔好失礼，小弟叫咗刺身+高级美国牛肉每位盛惠$258，但出嚟嘅嘢系极级过份。。
如图所示，三文鱼薄如手A4 纸，睇到刺身师傅手几咁高章，甜虾、马刀贝、荣螺全部都系无味嘅，有嘅就只有溶冰后嘅冰水味，好离谱劲火滚，收紧极尚瀛喜嘅价钱，但连争鲜质素都无，唔怪之得成间舖5张枱都无。。
寿司亦系利害至极！能够揾嚟手指甲咁大块嘅帆立贝再横刀㓥开一半放响旧饭度，点睇师傅嘅刀工都真无敌果只；加埋干旱皱皮嘅鳗鱼，真系情何以堪！
猪肉算系唔错，唔会得个肥字。。
我哋叫嘅中价位牛肉样子都ok嘅，但肉味欠奉，只能够话有旧肉响口度𡁻吓𡁻吓。。
汤底叫咗个最辣嘅辛辣汤，单一无层次嘅辣味原来都几清。。
海鲜类都几多嘢㨂，生蚝、鱿鱼、花胶、墨鱼滑等一大堆，但非常神奇地所有嘢都系淡而无味㗎。。。点解可以做到咁？一堆嘢咁上真系见到都唔开胃，仲要系只有雪味嘅海鲜。。
虾，系霉嘅；东风螺，系有激烈泥味；蚬就最正常，食得落口。
唔知呢间店嘅好评系点储返嚟，但一间位于油塘好靠街坊支持嘅店，用咁嘅价格水准去见人，有乜意思呢？
后记：店员其实好有礼貌好帮手，个系统落唔到order又会帮我哋谂办法，但无奈食物质素太差，眼见佢哋俾隔离枱个客发烂狂闹，真系戥佢哋前线人员惨。。
张贴
