小肥牛火鍋活魚專門店 (已結業)

早一排天气冻冻地, 加上师傅好约左"花姐"出黎食饭, 咁嘅天气当然最好打边炉啦, 而地点亦系由"花姐"发板, 于是就提议黎呢间食店啦, 师傅当然期待啦, 皆因师傅从来都未黎过!一坐底即刻睇下要咩汤底, 最后商量一阵, 就拣左蕃茄汤底, 而食物就柯打左好多唔同款式, 肥牛当然唔少得啦, 仲有韮菜饺, 鱼皮饺, 玉子豆腐, 蟹籽虾丸, 芝士肠, 枝竹, 黑柏叶, 三宝丸同菜!而净系牛肉师傅就柯打左三款唔同, 有本地手切肥牛, 澳洲和牛同安格斯牛, 三款之中以安格斯牛最靓, 安格斯牛够肥够香, 一灼即食, 都算入口即溶, 不错; 而澳洲和牛亦不赖, 切得又够薄, 牛身嫩滑, 颇好; 系本地手切肥牛比较差, 皆因切得比较厚身, 同埋肉身比较韧, 而师傅对于牛肉比较有咬口系冇咩兴趣, 所以觉得差左少少; 蟹籽虾丸就好爽口弹牙, 加上蟹籽唔会甩晒, 真系唔错, 必定要试! 至于其他师傅觉得亦不错, 可以接受啦!总括黎讲食物质素不错, 环境亦算好, 服务就普普通通, 价钱又唔算好贵, 两个人埋单每人二百几, 不过食咁多野, 都算抵食喇; 第一次黎呢间食店, 师傅觉得不错, 皆因佢地嘅牛肉出色, 如果