爆汗串串 (已結業)

🎐难得夹到时间，又冬至将近，熊妹点会放过同五小妹食个冬至饭呢？📌熊妹一直都好想试下旺角呢间新开的麻辣串烧店《爆汗串串》，食任食串串🍢，下午5点15分至7点15分同9点半打后都系$128加一1️⃣位，而黄金晚餐时段7点半至9点半就$168加一，加$30。📌串串放题都系啲大路食物，菜呀🥬，菇呀🍄，丸呀🍡，牛肉🐮鸡柳🐥五花肉🐷等等。📌点好食物，就即煮即整，所以都要等啲时间。⏳📌只要选好想食咩串串🍢，就会按人头俾咁多串，唔洗争。👩‍👩‍👧‍👧📌有妹子唔食得辣，可选走辣。仲有低b辣，中辣同大辣。🌶一碗走辣。❌一碗低b辣，都已经食到出哂汗。💦📌仲有十款任食爆汗小食，有青瓜、莲藕、千层肚、棒棒鸡、腐皮、厥根粉、凤爪、鸭血、水饺同鸡翼尖，款款咁吸引，真系食小食都食饱。十款入面，妹子们都一致投票✅认为棒棒鸡捞上芝麻酱同配上青瓜丝系最好味😋。另外千层肚个麻辣汁就最辣。💥📌店铺唔算大，但都坐到5-6枱客人，晚餐时段都几爆🈵，限时两小时都食唔完，三五知己吹下水食下串烧真系人生一大乐事。