美國運通黑卡貴賓室 (已結業)

今日同朋友系尖沙咀食完晏又未够钟做野，刚好朋友系AE黑卡会员所以就去左1881 AE Lounge到坐下饮杯野，黑卡会员每月可以带一位朋友入去两次(´▽｀).每位会员及同行者都可以选择一杯酒精饮品(指定红酒、白酒或啤酒)或者非酒精饮料(咖啡、茶、汽水、果汁及矿泉水任饮)，仲要包一位免费小食，可以选择中式或西式，其他额外小食同其他食品就收费.一场黎到就紧系要叹下叫左杯白酒，而小食就叫左中式点心，点心有四粒，我最钟意佢个芋头酥，炸到脆卜卜，内馅系绵密细致既芋泥，好食！