潮滙館 (已結業)

想打冷又怕坐大排档热辣辣？咁就要去潮汇馆叹下喇。如店名所讲，舖头主打卖潮州菜。如果朋友唔系fans，午餐都有中式饭(推介鱼香茄子饭)同河粉面拣，唔驶惊冇嘢啱食。卤水鹅肉饭🦆食潮州卤水嘢鹅肉当然冇走鸡啦。潮汇馆嘅鹅肉除咗鹅香满满，就连鹅皮都腌得好入味。垫底嘅豆腐不单止索哂酱汁，仲吸收咗鹅肉嘅油香，点埋蒜泥醋嚟食好醒胃，令人想添多碗饭。卤水鸡蛋腩肉饭🐣🐷如果有朋友仔唔食得鹅肉，我推介试试卤水腩肉。腩肉肥瘦比例均匀，猪皮弹牙。一次过成片放入口，口感松软又充满猪油香。除咗一样有索哂汁嘅豆腐加持，仲跟多只卤蛋，送饭正到痺。