妹記大排檔

营业中

休息中

又到放工同同事聚会时间，今次终于唔系去食泰国嘢啦。今次呢就去旺角𠮶边啦近油麻地嘅大排档食，但系呢就唔系喺街边食㖞，而系上楼食有冷气凉住嘅。讲返个环境啦，同大排档嘅形式就真系一样嘅圆枱嚟嘅，都系啲正常大排档格局咁，所以都系复制返成个大排档嘅样貌喺度啦，只不过呢就系变咗上楼舖，有冷气咁样。今次呢就食返平时大排档食嘅嘢，有干炒牛河、炸墨鱼咀、啫啫通菜、牛柳粒和炸猪手。干炒牛河呢就普普通通，碟底算小油，牛肉都系冇乜味个炸墨鱼嘴就大大粒，不过炸浆唔厚，而且咬落有咀嚼口感。 牛柳粒就麻麻地，肉好韧，薯仔就都唔错通菜就正正常常水准。反而个炸猪手就ok，我几欣赏，佢面皮就松脆，但切开里面肉质依然juicy今次餐饭就冇乜特别惊喜，只是不用热住食排档咁解。