大樹燒烤 (已結業)

有专人同你烧，枱上有个炉暖住d烧好左嘅食物，入面系点咗蜡烛，暖暖地，又唔会令食物过熟，真系好贴心，可以舒舒服服，凉住冷气食烧烤。餐厅提供的食物款式有好多，真系好难取舍。肉类方面，我哋拣咗烧鲜牛肉、烧鸡软骨、烧猪大肠、鸡翼说、烧猪颈肉、烧墨鱼丸、牛丸，仲有牛舌、金菇牛肉卷同埋韭菜猪肉卷。另外，叫咗烧多春鱼，仲有一个娃娃菜煲煲。最吸引嘅系烧猪大肠，外脆内软，调味亦相当适中，中间入口即溶嘅感觉，好好味。鸡翼我哋拣咗超级辣味，真系好辣，火候刚刚好，亦都系做到外脆内软，里面仲系有肉汁，好新鲜好好味。烧鲜牛肉，啲肉系唔肥嘅，感觉好健康。烧猪颈肉口切，肉质好爽，口感非常好，超正。烧墨鱼丸同埋烧牛丸，全部肉丸都好滑，内里有肉汁，好味。呢餐我俾100分，一定会再来光顾。