金裝燉奶佬餐廳 (青怡薈) (已結業)

返工返到星期五都冇乜动力做嘢 lunch又食得唔饱 趁住三点三就蛇吓王 去附近食个tea😬炖奶佬就唔系第一次食㗎啦 不过今次系第一次嚟食tea 同同事叫两个餐share食咁啦😗雪山朱古力西多士 睇餐牌上面张相好吸引 上到台都似样嘅 西多士嘅糖浆部分比较似蜂蜜嘅味道 不过呢个摆法令到下层嘅西多士冇乜朱古力酱 而呢个西多士里面又冇馅 所以下层嘅西多士就冇乜味啦🤧脆香鸡髀配薯条 鸡髀都算系几大只 不过就唔够热辣辣 几欣赏薯条上面洒咗啲辣粉 唔会净系得咸味👍🏻加多8蚊可以有沙嗲牛肉米线 得米线或米粉拣 不过米线有啲过林 所以如果有下次 会嗌米粉😅