金裝燉奶佬餐廳 (青怡薈) (已結業)

今日下午食飽後大約6：45分走去櫃檯俾錢，但冇人在櫃檯，（當時並不是繁忙時間，鋪面好少客人），好啦等一陣啦，等左大約兩分鐘已經有第二個人過來等俾錢，但仍沒有職員過來收錢，呢段時間期間亦都見唔到附近有其他工作人員可以過來幫手，再等大約兩分鐘終於有位肥姨姨到來，兩個客人加埋等左佢6分鐘，呢位姨姨一些歉意表示都冇，仲大大聲叫我‘’拍啦‘’（拍八達通）我由頭到尾都冇抱怨過說過一句說話，竟然由佢發脾氣先？一般來說收銀櫃檯唔應該冇人係位咁耐，因為除收錢外仲要聽電話等order，如果唔夠人真係要考慮請番夠，同埋呢啲冇禮貌嘅員工真係幫老闆倒米！

因將將會搬入青衣住，食左幾次呢間燉奶佬，頭一次已經覺得侍應不瞅不睬，近次食完行去收銀處放底張單俾錢，個男人（矮細粒） 完全冇反應喺度計自己啲數 ，我再講一次唔該 都係冇反應， 跟住我再話唔該趕時間，佢就好唔耐煩𡁻咗一聲 ， 重用眼神掘住我， 將抓俾我嘅錢大力掉落枱面，講真 食物已經唔係好食啦，仲要咁嘅服務態度 ，唔會再去幫襯囉，感覺好受氣， 香港侍應服務態度大多數都唔好， 現在明白點解咁多人上大陸消費， 因為食得開心服務態度又好， 好在呢間唔係旅遊區，唔係香港真係多得佢唔少。

諗住近近地係附近搵間餐廳食嘢,係無咩選擇之下揀左燉奶,首先唔洗等位,環境都算可以嘅多卡位坐！坐低下冇人招呼吾緊要,叫佐人落單,自助取餐具,但櫃桶餐具唔足,幾張枱都無匙羹,水都係要開聲問先至俾😅嗌左個咖哩豬飯🐖咖喱味不算濃,沒有咖喱應有的濃郁惹味感。而薯仔好彩都夠粉糯,但亦不是特別入味,感覺只填飽肚😅另外涼瓜牛肉飯🦬不知是否漏單？朋友咖哩飯都食完都未到,我問侍應,話沒有漏單,整緊...等了一陣到,呢個有啲失望,唔知是否我催佢,洋蔥多過涼瓜牛肉又偏鹹,食到尾聲先見到條頭髮😔今日放假不急,等我可以接受,但想食物質素及服務態度好些！純粹本人意見：其實整體環境來說這間餐廳算不錯,很多四人卡座 ,清潔度比一般的茶餐廳還要乾淨,食物賣相都ok嘅,而且選擇亦很多元化,飯粉麵小食都有,價錢相對來說亦相對較合理,只是食物水準有參差同服務態度改善下好些！

公司午餐，難得星期五出街食，去左附近的燉奶佬。餐牌有跟新，出左個叫波霸系列的特飲，平時就26蚊杯，跟餐就13，猶疑加唔加好，見同事都話試，咁我就決定叫埋啦，佢仲可以溝咖啡，珍珠咖啡，好新穎。杯嘢一到，飲一啖連幾粒珍珠，真係搵笨到飛起。首先d咖啡其實就係跟餐果杯，無端端加左13蚊，就係為左d珍珠，殊不知d珍珠完全無味，淡過水。真係好失望。主食就係個炒公仔麵。餐牌話係一丁，食落就係滿姨。仲要好多油。總之係伏啦。

附近好似無咩好食之下揀左燉奶佬，唔洗等位， 落單搵人唔容易，應左轉頭又無左件事！ 櫃桶無紙巾，餐具唔足，幾張枱都無匙羹，水都係要問先至俾，服務差。嗌左個咖哩豬焗飯，感覺填飽肚， 等候時間可以接受

上次已食過呢間餐廳，覺得唔錯。我同朋友今次再來食。亦很快有位。但侍應的服務態度很差。只懂得招待門口的人，入面已坐下的人想叫侍應落單，他們只懂得說等一陣。之後又去招待人，最終無左回事。很多侍應一係就攞緊食物比人，一係就招待人，一係就清潔枱，很耐才叫到第二位侍應落單。就算食物幾好食都好，咁的態度未必再黎食。

疫情下通常都係外賣自取，黎呢間多數食香茅豬扒撈米線，入面仲有肉碎，韭菜同雲耳，點知今日發現佢冇左撈，唯有叫湯米線，好彩佢湯同米線分開裝，最後我冇落到湯，都係變返撈！好味！

朋友相約週末去行青衣公園，話嗰度有好多烏龜睇，其實我冇乜興趣睇烏龜，只係想見下朋友吹吓水，咁就即管去咗。行完青衣公園，朋友就帶咗我嚟呢度食下午茶，涼下冷氣，繼續吹水。叫咗佢嘅下午茶「香茅豬扒配沙律」，好快就嚟到。「香茅豬扒」竟然有汁，呢個似乎比較少見😅，豬扒都算好味不過偏鹹，我食嘅時候盡量撥走哂啲汁；豬扒亦完全冇香茅味，叫做「豉油汁豬扒」可能比較合適。嗰個港式沙律味道就唔錯，落咗大量白汁甜甜地凍凍地好適合夏天食。嗰杯熱奶茶就好香好滑，大熱天時喺強勁冷氣間飲熱奶茶，都幾舒服😆呢個下午茶餐$36，超抵。

之前食過呢間嘅叻沙，覺得個湯底好好味，又足料又香濃，成日都心郁郁想再去食⋯⋯今日中午喺附近諗住入去回味下，叫咗個「叻沙雜錦米線」賣相其實都唔錯👍🏼不過飲第一啖湯已經覺得大不如前，雖然色水夠，但味道就淡咗好多⋯⋯入邊有韭菜、木耳、一堆叉燒、半隻蛋、一隻吉列蝦、半件滷水豆腐、一塊田園蝦餅⋯⋯其實材料都好豐富，不過質素就普通，啲叉燒一係就勁肥，一係就瘦過瘦肉；炸蝦放落去有少少勉強；最特別可能就係見滷水豆腐，夠味但係唔會太鹹👍🏼呢碗麵賣$50 ，個人覺得收得呢個價錢可以做好少少😥

返工返到星期五都冇乜動力做嘢 lunch又食得唔飽 趁住三點三就蛇吓王 去附近食個tea😬燉奶佬就唔係第一次食㗎啦 不過今次係第一次嚟食tea 同同事叫兩個餐share食咁啦😗雪山朱古力西多士 睇餐牌上面張相好吸引 上到檯都似樣嘅 西多士嘅糖漿部分比較似蜂蜜嘅味道 不過呢個擺法令到下層嘅西多士冇乜朱古力醬 而呢個西多士裡面又冇餡 所以下層嘅西多士就冇乜味啦🤧脆香雞髀配薯條 雞髀都算係幾大隻 不過就唔夠熱辣辣 幾欣賞薯條上面灑咗啲辣粉 唔會淨係得鹹味👍🏻加多8蚊可以有沙嗲牛肉米線 得米線或米粉揀 不過米線有啲過林 所以如果有下次 會嗌米粉😅

最近剛搬到這裡附近，最多餐廳🍴的地方，就只有青衣城，但青衣城的餐廳實在太多人等候，又或者價錢太高了，實在不是可以每餐都負擔得起，最近而價錢又相對便宜的就只有這間金裝燉奶佬🤑其實整體環境來說這間餐廳算不錯，很多四人卡座及二人卡座，要搭枱機會亦很細，但座位相對較窄，清潔度比一般的茶餐廳還要乾淨🧹食物的選擇亦很多元化，飯粉麵小食全日早餐🥣亦有，價錢相對來說亦相對較合理🥢鰻魚蟹棒喇沙米線🍜 $59材料有原條鰻魚、炸蟹柳、雲耳、頭腐、白蘿蔔、莞西喇沙來說其實算不錯，當然不能和有名的餐廳比較，但亦有喇沙味，辣的程度亦能接受，很野味，鰻魚亦比想像中有驚喜，雖然味道完全和喇沙不配合，但鰻魚亦有鰻魚味，而且是原條鰻魚上，所以亦很有驚喜🥢日式鰻魚芙蓉燈飯🍲 $59材料有雞蛋🥚、鰻魚、洋蔥其實鰻魚炒蛋我覺得亦是有點浪費鰻魚，只是蛋有蛋味，鰻魚有鰻魚味，不能互相輝映，而且整個蛋都是甜豉油，用來伴飯無可否認是香口的，但鰻魚味又沒有了😕而且飯中間實在太多洋蔥了，完全格格不入😞🥤凍奶茶（凍飲加$3）🥤凍檸檬薏米水奶茶如果不追求太多，其實味道亦尚可的我本來不太喜歡薏米水，所以覺得這杯飲料很糊狀，一點都不好👎

去燉奶佬食早餐多次，今天時間湊巧來個午餐正好。 看著餐牌中相片，鮑汁花膠泡飯的確很吸引，就點了鮑汁花膠雙冬魚柳泡飯，另加一個牛尾羅宋湯朱扒湯通粉。 原來真的不可以跟著餐牌相片點菜，怎麼眼前的花膠泡飯一點都不像樣呢! 花膠只有一小塊，成碗湯完全無鮑汁，魚顯然無魚味，花膠亦無鮑汁味， 極其量只係冬瓜湯泡飯加一塊魚柳罷了!! 反之牛尾羅宋湯朱扒湯通粉，就比較好，羅宋湯味濃甜酸度恰當，朱扒口感不錯，不太硬亦不太淋身，不錯！

叫左碗喇沙米線食，先唔好講個味道，第一啖食米線係*硬*既。好啦，咁謂有彈返轉頭叫廚房再煮，煮完出返黎再食都仍然係*硬*既。我投降，買單走人。2啖米線 $54蚊。 燉奶佬，無下次一定唔會再幫襯。BTW 個所謂既喇沙湯淡如清水 。完

這間餐廳擁有典型燉奶佬店舖的門面。店內有大小不同的座位。多張圖文並茂的餐牌顯示該店除一般茶餐廳出品外，亦有不少具主題的食品及飲品可供顧客選擇。這個越式葱油豬扒套餐賣相頗佳，葱油一般是用作伴鷄進食，用於豬扒上則較為少見，吃落頓覺添加不少鹹香風味。這碟豬扒給人感覺製作頗為認真。生菜塾底，伴以兩大塊番茄，再加上幾片雲耳，大大調低豬扒予人肥膩的觀感。豬扒煎得頗為得宜，時間控制恰到好處，咬落不覺靭且爽口彈牙，具鮮肉的特質，調味亦見功夫。這個白飯米形細長，烹調得軟硬適中，進口甚有上等飯味，伴以肉燥進食，更覺相得益彰。這碗前菜製作亦見用心，除蔬菜外，更加添細長的蟹柳在上面，令平凡中添加色彩。混合一起吃更覺素中有肉，肉中有素。餐飲加6元更換的木瓜雪耳糖水用料充足，甜度調較亦適中，惜熱度不足，削減了該款糖水應有之獨特風味。總括而言，以我多次光顧該店之經驗，該店的出品屬平均水平之上，製作頗算用心，但少部份侍應服務水平則強差人意，宜在職工培訓方面多下功夫。

在旺角出差及搬貨後很肚餓，在金裝燉奶佬餐廳食午餐，食飯時間好多人。黑椒干炒牛肉意粉，碟牛肉塊香嫩，加了紅辣椒絲是配菜，令人對成個意粉更有食慾，總之滋味一氣呵成進在碟頭上。