龍門一番 上海·紫砂燉湯 (已結業)

好耐无同屋企人食饭，近近地去左屯门时代广场食，屋企人钟意食中餐，就拣左龙门一番食小笼包。店员先送上茶叶，有四款选择，我地拣左铁观音，个茶好香好好饮，冲左二十杯以上都仲好好味，好耐无试过饮咁多水啦。点了上海酸辣汤一人一客，一向好喜欢饮，但做得好味的店越来越少了。好足料，酸辣度调得刚刚好很啱口味，一人份量来说都好大碗㖞。再来系四川担担面，呢个又系至爱。汤底是浓浓的花生酱味，非常香浓。葱花，咸菜，肉碎等也下得不少，加上面条有嚼劲挂汤，大大碗实属好味又抵食。少不了香口野黎个炸银丝卷，外脆内软无得顶，点埋炼奶劲正呀。食上海野又点可以无上汤小笼包，避免争食，点了一人一笼，呵呵呵。皮薄馅多，仲超多汤汁，劲好味劲好味劲好味呀！不过要小心夹，好易爆口，浪费左啲汤汁就唔好。完美嘅结局当然要有甜品，点了豆沙锅饼配雪糕，摆盘咁靓啱晒打卡呀～红豆馅很多，锅饼好脆口，同以前食晒的口感不一样，但脆脆地又几得意，好食吖。雪糕系曲奇口味，甜甜地正呀。两个叫得太多好饱啊，呢个价钱抵食。