影片
更多
2023-09-26
1235 浏览
餐厅：Bischofia by Mood (观塘)地址：观塘鸿图道19号富登中心地下1号舖观塘工业区有间新开咗3个月嘅Cafe——Bischofia by Mood @Bischofiabymood ☕️，除咗希望大家认识多啲咖啡慢活文化之外，部份菜式仲揾咗注册营养师同健身教练推荐，加上提供埋食物嘅营养标签，致力提倡健康饮食🍀，将呢啲我哋平时好少留意嘅元素融入我哋生活当中Cafe特意揾咗一间Design Studio去设计餐厅嘅装修：雾黄色嘅墙身、樱桃木色嘅木系配搭🪵、黑色线条嘅衬托、参考植物嘅Organic Structure拼砌成餐厅每个角落嘅结构🌿、绿油油嘅植物🌴，组合成一个既悠闲自在又够写意嘅舒适空间🥰，无论喺度做嘢定倾偈、睇书定食饭，都可以好好咁放松心情去享受当下✝️尼斯吞拿鱼配羽衣甘蓝沙律 $138都几丰富又大份嘅法式沙律🥗，火炙过嘅尼斯吞拿鱼仿如食紧牛肉咁，阵阵黑椒芝麻同独特吞拿鱼香令人一试难忘🤤，另外有羽衣甘蓝、生菜🥬、烚蛋🥚、巴马臣芝士、红菜头、薯仔🥔、青瓜🥒、长豆，配上法式柠檬蜂蜜芥末油醋汁，唔知你又钟唔钟意呢款sauce呢？我就食惯咗无汁嘅沙律(即喺dressing
地址：观塘鸿图道19号富登中心地下1号舖
观塘工业区有间新开咗3个月嘅Cafe——Bischofia by Mood @Bischofiabymood ☕️，除咗希望大家认识多啲咖啡慢活文化之外，部份菜式仲揾咗注册营养师同健身教练推荐，加上提供埋食物嘅营养标签，致力提倡健康饮食🍀，将呢啲我哋平时好少留意嘅元素融入我哋生活当中
Cafe特意揾咗一间Design Studio去设计餐厅嘅装修：雾黄色嘅墙身、
樱桃木色嘅木系配搭🪵、黑色线条嘅衬托、参考植物嘅Organic Structure拼砌成餐厅每个角落嘅结构🌿、绿油油嘅植物🌴，
组合成一个既悠闲自在又够写意嘅舒适空间🥰，无论喺度做嘢定倾偈、睇书定食饭，都可以好好咁放松心情去享受当下
✝️尼斯吞拿鱼配羽衣甘蓝沙律 $138
都几丰富又大份嘅法式沙律🥗，火炙过嘅尼斯吞拿鱼仿如食紧牛肉咁，
阵阵黑椒芝麻同独特吞拿鱼香令人一试难忘🤤，另外有羽衣甘蓝、生菜🥬、烚蛋🥚、巴马臣芝士、红菜头、薯仔🥔、青瓜🥒、长豆，
配上法式柠檬蜂蜜芥末油醋汁，唔知你又钟唔钟意呢款sauce呢？我就食惯咗无汁嘅沙律(即喺dressing on side)😛
✝️香煎纽西兰牛柳配意粉 $148
看似简单嘅意粉，食起上嚟真喺几有惊喜😍，
先用蒜蓉同牛油炒香意粉🧈，就连伴菜嘅紫椰菜都好惹味，纽西兰牛柳肉质细嫩好软腍，
五成熟令牛柳食落有鱼生嘅口感👍，当然唔少得每咬一啖就浅出嘅牛肉香🐮，加$30仲可以加大，啱晒大食嘅人或者成班friend一齐share
✝️Cappuccino $45
升级做Large size嘅Cappuccino，咁就可以慢慢坐慢慢叹😌，可以拣Fruity嘅哥伦比亚同埃塞俄比亚混合咖啡豆，或者Nutty嘅巴西同危地马拉混合豆，饮奶啡紧喺拣后者，
加上靓靓嘅透明玻璃杯，睇到咖啡、奶同泡之间嘅渐变分层，配埋简单拉花，等我慢慢Enjoy先😙
张贴
